Встреча с бывшим через 9 месяцев: мои чувства и размышления
ссылка
Салгыыта 14:
Кимтэн буолуой?
Бастаан өйдөөбөтүм. Онтон эмискэ киһим суруйар. «Ааҥҥын арый, курьер тиийбит». Биһиги дьиэбитигэр оруобуна суох этибит буо, ол иһин «Суохпут» диэн суруйбутум. Онно ол сибэккини консьержка туттаран хааллартарбыт этэ.
Мин сарсыҥҥы күнүгэр сибэккини ылбытым. Маҕан өҥнөөх Лилиялар, арааскыта били бэлэхтээбит Сардааналарын санаан ылбыт этэ быһыылаах.
Ол кэннэ тугу эрэ суруйсубуппут уонна мин киниэхэ көрсөн киһилии кэпсэтиэххэ диэн тыл көтөхпүтүм. Билигин кинини хайдах ылынарбын билиэхпин баҕарбытым. Өссө да сөбүлүүбүн ду? Суох ду? Төһө ахтыбыппыный? Онтон кини сөбүлүүр ду? Туох эмит хаалбыт ду? Букатын бүппүт ду?
9 ый. Арахсыбыппыт 9 ый кэннэ көрсөргө быһаарыммыппыт.
Кулун тутар ортото. Кини киэһэ 7 саҕана «Кэллим» диэн суруйбута. Онно тахсыбытым. Бастаан көрөөт да туох да долгуйуу эҥин суох этэ. Били хас да сыл билэр чугас доҕорбун кытта көрсөр курдук. Онно массыынаҕа өр да өр кэпсэппиппит. Хайдах эрэ барыта чэпчэки баҕайытык ааспыта. Көр-күлүү аргыстаах.
Ол быыһыгар кини онно санаатын утары көрөн олорон дьэ аһаҕастык эппитэ.
Бу маны барытын кини өттүттэн көрдөххө олох атын хартыына тахсар этэ. Бастаан утаа миигин көрсөрүгэр мин кинини аһаҕас, эйэҕэс уонна көрсүө майгыбынан сөбүлэппит этим.
Сыһыаммыт бастакы сылыгар мин кырдьык үксүн манныгым да буолуо. Онтон кэлин били эрдэ кэпсээбитим курдук, сытан тахсар, ытыы сылдьар киһиэхэ кубулуйан саҕалаабытым диэбитим ди. Ол кэмнэргэ киниэхэ соччото суохтук сыһыаннаһар буолан барбыппын. Игнордаан. Сүгүн сороҕор кэпсэппэккэ эрэйдээн. Недовольнай, хомойо сылдьар буолан хаалбыппын. Кыра аайы кыыһыран хайаан иһэр буолбуппун. Сороҕор оҥорорун да сыаналаабат буолбуппун.
Онтон ити кэлбитигэр киллэрбэтэҕим кырдьык киниэхэ бүтэһик хааппыла буолбут. Ол иһин арахсабын диэн быһаарыммыт. Ол түүн бииргэ төрөөбүт эдьиийигэр хоммут. Наһаа хомойбут, ону көрөн эдьиийэ эмиэ араҕыс диэн сүбэлээбит.
Кинини онон эмиэ өйдүөххэ сөп дии саныыбын. Мин характерым наһаа үчүгэй буолбатах. Ону билинэбин.
Дьиҥэр кини сымнаҕас майгылаах. Миэхэ ити бииргэ буолбуппут тухары биирдэ да куолаһын көтөхпөтөҕө, биир да куруубай тылы эппэтэҕэ, этиһии буоллаҕына этиһэрдии этиспэт да этэ. Көннөрү санаатын этинэрэ.
Таптаабатах диэҕин оннук буолбатах. Кини саҕа миэхэ кыһаллыбыт киһи өссө суоҕа буолуо. Арай мин аһара атаахтаабыппын ду, хайдах ду. Эбэтэр баары кэмигэр сыаналаабакка араас буолбуппун ду? Саатар оруобуна личнэй кризиспын кытта түбэспит быһыылаах. Ону туораабатахпыт.
Ол да буоллар, итинник баран хаалбытын, саатар киһилии кэпсэппэтэҕин, 9 ыйы супту сүтэн баран биллибитин иһин, мин киниэхэ хом санаалаахпын. Маннык киһи хаһан эмиэ инник баран хаалыа биллибэт дии саныыбын. 100% сатаан урукку курдук эрэммэппин.
Салгыы туох буоларын, бу сыһыан ханна тиийэрин билбэппин. Туохха да эрэммэппин. Ыралаабаппын.
Уопсайынан дьоҥҥо куһаҕаны эҥин баҕарбат киһибин. Буолбут буоллаҕа. Абааһы көрө сылдьыахпын эҥин баҕарбаппын. Махтанабын да диэххэ сөп. Үөрэх.
Дьэ ити курдук олоххо араас буолар.
Манан кэпсээним түмүктэнэр. Күндү ааҕааччыларбар барыгытыгар барҕа махтал 🫶🫶🫶 Наһаа үчүгэйдик өйөөтүгүт, тэҥҥэ миигин кытта доҕор буолан үөрүүбүн, дьолбун, аһыыбын, алдьаныыбын уонна тиллиибин тэбис тэҥҥэ ааһыстыгыт.
Бука ааҕан баран араас санаалар киирбиттэрэ буолуо. Баҕар ким эрэ миигин ду, кинини ду буруйдуу да санаабыккыт буолуо.
Ол эрэн, мин санаабар, бу сыһыан мин олохпор мээнэҕэ кэлбэтэх. Арааскыта маннык буолуохтааҕа эрдэттэн быһаарыллыбыт дьыала быһыылаах. Ол иһин да саҥа сылдьан саҕалыырбытыгар мин сүрэҕим нүөлүйэн ыалдьыбыт буолуон сөп.
Бу маны ааһан баран мин бэйэбэр опоралана үөрэнним. Саамай сүрүн үөрэҕим бу.
Чэ инник курдук. Барыгытыгар өссө төгүл барҕа махтал!!! 🫂🫂🫂🫂🫂
Эһиэхэ дьолу, истиҥ сыһыаны, тапталы баҕара хаалабын — Сардаана Оса ❤️
05.06.26
#сардаанакэпсээнэ
ПетроваЛ·Мама дочки (6 лет)
Мин 19 сааспар биир уолу билсэн, себулээн 3 сылы супту кэпсэппитим 😅 бастаан билсэрбитигэр уонна уулусса5а 2-3 эрэ керсубуппут. Эмиэ сымна5ас, борустуой наьаа учугэй уол этэ. Но оннук иннэ кэннэ биллибэккэ 3 сыл билсибиппит 😬 онтон появился мой муж, кэллим, ыллым, бардым диэн оннук ол непонятнай отношения ду дружбабыттан ду ороон ылбыта 🥰🙌🏻 кэргэним дьинэ 20 эрэ саастаах этэ ол са5ана, биьи ол непоткабын кытта 22 уонна 23 саастаахпыт. Чувствобыт тиийбэтэх дии саныыбын. А муж оказался моей судьбой бьлх 🥰🙏 хорошо что с тем ничего не получилось дии саныыбын билигин. Кэргэним мин киьим ❤️
Эн эмиэ бэйэн киьигин керсуен дии саныыбын ☺️🙌🏻
·6 отметок «Нравится»6·Ответить