Знакомство с семьёй мужа: тёплый приём и подарки

ссылка

Салгыыта 10:

Саҥа дьыл кэмнэригэр дойдутугар дьонун кытта билсэ барар буолбутум. Кийииттии. Долгуйуу бөҕө. Эрдэттэн тэринии. Дьонноругар бэйэм ааппыттан бэлэхтэри эҥин ылаттаабытым, кэһии эҥин бэлэмнээбитим. Кини эрдэ дойдулаабыта. Онтон мин оҕобун Ийэбэр илдьибитим, онтон дойдубар сылдьа түһээт, киниэхэ айаннаабытым. Оҕом ийэбэр хаалбыта.

Айаннаан иһэн хайдах көрсөллөр, хайдах дьонноро буолла диэн ону-маны бары толкуйдаабытым. Аны кыра оҕолоро, соҕотох уоллара. Миигин оҕолоох кыыһы ылыналлар ду, суох дуу эҥин диэн долгуйан биэрбитим.

Хата наһаа үчүгэйдик көрсүбүттэрэ. Олус эйэҕэс, көрсүө майгылаах наһаа истиҥ дьоннор эбит этэ. Тутатына көрсөөт миэхэ кыһыл көмүс браслет уонна оҕобор саҥа дьылынан бэлэх биэрбиттэрэ.

Миэхэ анаан ас саамай күндүтүн биэрэллэрэ. Иһин сууйарга, ас астыырга көмөлөһөөрү гыннахпына олох «эн олор» дии ди барытын бэйэлэрэ гынар этилэр. Олох мап-мааны кийиит буолбутум. Наһаа үчүгэйдик сыһыаннаспыттара.

Ийэтин кытта чээй иһэ-иһэ буолары буолбаты кэпсэтэн, күлсэн аҕай биэрбиппит. Аҕатын кытта история, Саха норуотун тула кэпсэтии бөҕөтүн кэпсэппиппит.

Киһибинээн улааппыт дьиэтин баран көрбүппүт, Алдан Эбэҕэ алаадьы биэрэн күндүлээбиппит.

Араас аймахтарын кэрийэ сылдьан чэйдээн аҕай биэрбиппит. Астык сынньалаҥ буолбута.

#сардаанакэпсээнэ