Открывая ящик Пандоры: как мы работали над отношениями

https://mom.life/post/6a1d94e95cad3cc954088bc1

Салгыыта 9:

Онно ол санааҕа ыллара сылдьан бэйэбин хасыһан барбытым. Тоҕо аһара инник ыланабыный? Тоҕо аһара долгуйабыный? Маннык ыйытыыларбар хасыһа сытан олох да оҕо сааспар тиийбитим. Этэргэ дылы «начала открывать Ящик Пандоры»...

Онно биһиги элбэх элбэҕи кэпсэппиппит. Омуннаах дьоннор барытын суруйан испииһэк кытта оҥорбуппут. Уонна салгыы сыһыаммыт туһугар үлэлиэххэ диэн түмүккэ кэлбиппит.

Ол кэннэ барыта орун оннугар түспүтэ. Ол эрэн бу сырыыга бэйэ бэйэбитинэн эрэ олорбокко, тус туспа эмиэ сайдарга дьулуспуппут. Онтубут туһалаах буолбута.

Мин үлэбэр умса түспүтүм, ол быыһыгар иккиэн саайтарга сакаастары ылан тэҥҥэ үлэлэһэр буолбуппут. Аат толкуйданан, 2гиска эҥин киллэрбиппит, доҕотторбутугар кэпсээбиппит.

Сэтинньигэ иккиэн оҕом төрөөбүт күнүн тэрийбиппит. Киһим тэбис тэҥҥэ илии-атах буолбута, чугас дьоммун, аймахтарбын кытта билсибитэ.

Субу-субу дьоммор баран аһаан кэлэр этибит, үһүөн кафеларга, онно-манна күүлэйдии барааччыбыт.

Оннук кэм кэрдиис ааһан испитэ. Саҥа дьыл саҕана өссө биирдэ фотосессиялыы бара сылдьыбыппыт. Кимнээҕэр дьоллоох этибит.

Туох эмит харгыс баар буоллаҕына тутатына ырытар, испииһэктиир, хайдах быһаарарбытын толкуйдуур идэлэммиппит.

#сардаанакэпсээнэ