История знакомства и первого свидания: опыт мамы

ссылка

Салгыыта 2:

Иннэ гынан кыралаан алтыһар буолан бардыбыт. Онтон биир күн эмискэ бассаап сториспар эппиэттээтэ, онтон ылата үлэттэн таһынан көннөрү атын да темаларга кэпсэтэр буолбуппут. Ол саҕана номнуо ахсынньы ый буолла. Кэпсэтэргэ хайдах эрэ барыта орун оннугар түбэһэн, бэйэ бэйэбитин олус өйдөһөр курдук этибит, юморбыт эҥин тэбис тэҥ, быыһыгар эмискэ «өйдөөх» темаларга эмиэ кэпсэтэбит. Үчүгэй иитиилээх, көнө майгылаах, дьээбэлээх, боростуой майгылаах. Алтыһан истэҕим аайы өссө сөбүлээн испитим.

Эмискэ өйдөөбүппүт олох түүннэри-күнүстэри тохтоло суох кэпсэтэр дьоҥҥо кубулуйбут этибит. Ол быыһыгар «Оҕоҥ уһуйаана ханна баарый? Хайдах таһаҕын? Ыраах дуо?» эҥин диэн ыйытара. Атын билсэ сатыыр уолаттар маннык эҥин ыйыппат этилэр, онтон кини хара маҥнайгыттан мин туспар долгуйардыы, маннык ыйытыктарынан, сүрэхпин өссө эбии сүүйбүтэ.

Оннук кэпсэтии-алтыһыы быыһыгар уол биир күн эмискэ «Сарсын рестораҥҥа барабыт» диэн суруйда. Мин «Тыый, үлэтинэн баран эрдэҕэ ду?» дии санаатым, миэхэ анаан суруйар эҥин диэн өйдөбүл суох. «Хайа, кимнээхтиин?» диэн ыйыттым. Ону «Эйигинниин. Я все решил» диэтэ. Мух-мах бардым, хайдах эрэ дэлби долгуйдум, свидание эҥин диэҥҥэ сылдьыбатах да ырааппыт. Сарсын «Рекаозеролес» 20:00 ыҥырда.

Сарсыҥҥы күнүгэр долгуйа долгуйа дэлби киэргэнним, саамай үчүгэй көстүүммүн кэттим уонна свиданиялыы бардым.

Таксибын эҥин төлөөтө уонна ааҥҥа утары көрүстэ. Үөһээ тахсан остуолга олордубут уонна маҥнайгытын киһилии көрсөн олорон, буолары буолбаты кэпсэттибит.

Бириэмэ хайдах эрэ олус түргэнник ааспыта. Уол дьээбэлээх баҕайы, ол да буоллар культурнай, үксүн олох тула кэпсэтии буолла. Оннук 3 чаас курдук олорон баран покаласпыппыт.

Дьиҥэр онно сразу олох таптаатым эҥин дии санаабатаҕым, көннөрү үчүгэй баҕайы уол дии санаабыппыт өйдүүбүн. Саамай майгытын сөбүлээбитим.

Мин бу иннинэ оҕом аҕатын кытта ыарахан соҕус сыһыаҥҥа сылдьыбытым, илии көтөҕөөһүннээх, аннараа киһи өттүттэн туора барааһыннаах сыһыан. Ол иһин олус сэрэхтээх этим. Куруубай, киирбит-тахсыбыт уолаттартан куттанар этим. Ити киһим олус сымнаҕас уонна истиҥ майгылаах буолан тутатына бэйэтин сөбүлэппитэ.

Онтон салгыы кэпсэтэ сылдьыбыппыт. Биир күн уол иккис свиданияҕа киинэҕэ ыҥырбыта. Эмиэ долгуйа-долгуйа барбытым. Оҕолоох соҕотох Ийэ буоллахха свиданияларга эҥин сылдьар эрэйдээх соҕус буолар этэ, эрдэттэн оҕо көрөр киһи булан, кими эрэ кэпсэтэн, астарын хааччыйан баран биирдэ бараҕын, ол иһин сүрэҕэлдьээн да сылдьааччым суох. Ол эрэн кинини сөбүлээбит омуммар начаас оҕо көрөр киһини эҥин була охсор этим.

Иннэ гынан иккис свиданияҕа киинэҕэ бардыбыт. Тиийбитим киһим эрдэ тиийэн сок, чипсы, попкорн эҥин ылан номнуо бэлэм сылдьар этэ 😅 начаас киирэн киинэбитин көрөн саҕалаабыппыт. Аны чипсыбыт принглс, били илии угарга иһитэ кыараҕас баҕайы ди, онно иккиэн таарыйсан эҥин ылабыт, кэлин олох да кини илиитэ баппат буолан, мин хостоон биэрэр киһи буолбутум. Онно хайдах эрэ дьаҕайсан маҥнай илиибитин тутуспуппут. Ол түгэни билигин да бу баардыы өйдүүбүн...

#сардаанакэпсээнэ