Тамызда кітап оқу әдетін қайта бастадым: қандай кітап кеңес бересіздер?

#reading

Тамызда қайтадан кітап оқу әдетін қолға алу керек деп шештім. Негізі жылдың басында кемінде 12 кітап оқып шығамын деп едім, тек тамыздың соңында кірісе бастағаным үшін үлгермеуім мүмкін.

Қазірге 3 кітап бітіріп, 4-сін оқып жатырмын. Үйдің қасында кітапхана бар, сол жерден алып, берілген 2 апталық мерзімде бітіріп жүрмін.

Мына кітап (“Безумно богатые азиаты”) жеңіл оқылады екен, 4 күн ішінде 450 бет бітірдім, 100 қалды. Негізі ағылшынша оқығым келер еді, бірақ кітапханада тек орысша болды.

Енді жалғасын қайдан тапсам екен деп отырмын)) Мүмкін телефоннан оқырмын, көреміз.

Оқып шыққан кітаптарым: Американская трагедия, 451 градус по Фаренгейту, Вы найдете это в библиотеке.

Барлығы ұнады, әрқайсысының өз әсері бар. *Американская трагедия енді классика ғой, оқып көріңіздер.

*451 по Фаренгейту: өте қызық кітап, кіп-кішкентай, жеңіл оқылады. Айтылған хикаясы да өте қызық, ойландырады. Қазіргі заманға қарап, өзгерістерді байқап, терең ойға түсуің мүмкін.

*Вы найдете это в библиотеке - жапон авторының кітабы. Ол да жеңіл оқылады, түрлі адамдардың өмірлік хикаялары айтылады. Жақсы әсер қалдырады, маған ұнады.

* Безумно богатые азиаты: бұл кітаптың киносын көргенмін бұрын, бірақ кітабы қызығырақ. Әр кейіпкер егжей-тегжейлі сипатталады. Оқиғалар сәл өзгеше өрбиді кітапта. Кітапты бітіргеннен соң, киносын қайта қараймын деп отырмын.

Сіз қандай қызық кітап оқуды кеңес бере аласыз?