Ақуызға бай таңғы ас: жұмыртқа мен үрмебұршақ рецепті

#healthydiet

Соңғы кезде тамақтануға көбірек көңіл бөлгендіктен, ақуызды жеткілікті жеуді қадағалап жүрмін. Жұмыртқа көп жей бермеймін, бірақ таңғы асқа кейде жегенде қасында үрмебұршақтың (фасоль) болғанын ұнатамын.

Маған томат соусындағы үрмебұршақ ұнайды. Оның ішінде Дядя Ваня деген өндіруші ұнайды. Алайда маған ұнайтын түрін оңайлықпен таба алмайсың, ол біріншіден, ал екіншіден, тым қымбат деп ойлаймын (2000 теңгеге жуық 480 гр банка).

Неге үйде жасамасқа сол үнмебұршақты деп, кеше жасап жібердім, бірақ қызыл үрмебұршақпен. Тамаша шықты, өте дәмді және жасалуы жеңіл. Енді ақ үрмебұршақ алып қойдым, оны да жасап қоярмын қызылы біткенде.

Енді бүгін өзіме таңғы ас жасағанда жұмыртқа қуырып, оның үстіне лаваш қойып (жұмыртқа піспей тұрып, сонда жабысады), сосын оны аударып, жартысына үрмебұршақ пен ірімшік қойып, басқа жартысын үстінен жауып, табада тағы қыздырыдым екі бетінен. Осындай ақуызы жоғары таңғы ас болды. Бірақ мен көп жей алмағандықтан, артынан грек йогуртына гранола қосып, жеп алдым. Бәрін кофемен бітірдім))

Күнделікті 1395 ккал-дың 1/3 бөлігін бітірдім.

П.С. Лаваш үлкендеу екен, келесі рет өзім жасап көруге тырысамын.