Открытие кофейни без света: забавная история
Арай бүгүн эһиги кофейня арыйаҕыт уонна оруобуна уоккут баран хааллын, хайыыгыт? 😆
Биһиэхэ оруобуна маннык ситуация буолла 😅 Доҕотторум бүгүн саҥа сахалыы «ЭЙЭ» диэн кофейня арыйдылар! Онтубут тэрээһинэ 12тэн саҕаланыахтаах этэ, ол эрээри 12 буолуо аҕыйах мүнүүтэ баарына оруобуна уоппут баран хаалла. Арай кофейнябыт иһэ хараҥараалла 😅😂
Дьоммуттан хайыыбыт диэн сэмээр сураһабын, ону туох да буолбатаҕын курдук «сотору кэлэр ини» дэстилэр.
Аны мин оруобуна ведущайбын, арыллыыбыт саҕана дьону муһуохтаахпын. Син балачча күүтэ сатаатыбыт, дьон элбээтэ, 12бит тиийэн кэллэ уонна уота суох саҕалыырга тиийдибит! 🤭
Виталий Очиров Алгыс ыытта, салама ыйаатыбыт. Ол тухары уоппут кэлбэтэ 😅
Онтон салгыы кофейняны арыйааччылар, шеф-повар тылларын иһиттибит. Кырыымпа тыаһыгар налыйдыбыт, хомус дорҕоонугар уйдардыбыт.
Уоппут эмискэ барбытын — «уоскуйуҥ, налыйыҥ, тохтоон ылыҥ» диир бэлиэ курдук ылынныбыт.
Төһө да идеальнай буолбатаҕын иһин, чуумпу, кырыымпа, хомус доҕуһуоллаах астык тэрээһин ааста! «ЭЙЭ» кофейня арылынна!
Онон олоххо араас буолар доҕоттор. Уота да суох сыалай тэрээһин ыытыахха сөп эбит! 😁
Саамай сүрүнэ кэлбит чугас дьон, үтүө-алгыс тыллар, сырдык санаа, истиҥ сыһыан! ❤️
#сардаанакэпсээнэ