Как мы обсуждали будущее: планирование семьи и отношений

ссылка

Салгыыта 4:

Саҥа дьыл буолла. Ол тухары суруйса сылдьабыт. Кини дьонугар ыраах улууска барбыта. Мин куоракка дьоммор ылбытым. Саҥа дьыл түүн бэйэ бэйэбитин 00:00 тутатына эҕэрдэлээбиппит. Уонна иккиэн омуннаах баҕайытык бэйэ бэйэбитигэр тапталы баҕарбыппыт.

Олус аһаҕастык уонна дириҥник кэпсэтэр этибит. Ол быыһыгар инники олоҕу ырытыы кытта баара. Хаһан хас оҕолонуо этибитий, хайдах уруу тэрийиэ этибитий, хайдах дьиэлэниэ этибитий. Маны барытын бэйэ бэйэбитин таптаабыт омуммутугар күннэри-түүннэри ыралыырбыт.

Саҥа дьыл кэннэ мин Ийэбэр Горнайга тахсыбытым. Ол эрэн кини 8-9 кэлиэм диэн тылын биэрбитэ, иннэ гынан ол диэки куоракка төннөрдүү иһим кычыгылана сылдьыбыта. Ийэбин көрдөһөн оҕобун аҕыйах күҥҥэ дойдубар хаалларбытым уонна ахсыс күнүс куоракка киирбитим.

Кини эмиэ куоракка кэлбитэ. Эмиэ свидание. Бу сырыыга дьиэтигэр ыҥырда...

Оо долгуйуу да долгуйуу. Хайдах эрэ эҥин курдук. Уол дьиэтигэр бардыбыт эрэ эҥин дии саныыбын. Ол да буоллар ыкса билсибиппит номнуо ыйтан тахсыбыт. Ол эрэн уураһа да, куустуһа да иликпит.

Кыыс бардым. Уол подъезд ааныгар көрүстэ. Остуол тардыбыт. Ийэтэ ас бөҕө ыыппыт, онтун бэлэмнээбит, фрукта ылбыт. Уонна наһаа астык букеттаах. Эмиэ астыныы бөҕө буоллум. Дэлби үөрдүм.

Арба өссө дьэдьэн барыанньата аҕалбыт этэ. Дьонноро миэхэ анаан ыыппыт этилэр.

Онно олорон кэпсэттибит, аһаатыбыт, ютуб хастыбыт. Ютуба барыта «өйдөөх» видеолар, туох эрэ курстар, үөрэхтэр, стоицизм, дьарык. Аны дьиэтин иһэ кинигэнэн толору. Ол быыһыгар турник, гииралар эҥин бааллар, дьарыктанар уголоктаах. Ону сэргии көрбүтүм.

Онтон киинэ холбоннубут. Киинэ көрө олорон эмиэ синхрон, иккиэн эмискэ биир же тыллары саҥарабыт. Хайдах эрэ биир киһи курдукпут. Толкуйдуурбут олох тэбис тэҥ.

Ол олорон маҥнайгыттан куустуспуппут уонна уураспыппыт ❤️

#сардаанакэпсээнэ