Воспоминания о первой встрече: идеальный парень и синхрон

https://mom.life/post/6a1b11520871a8405e03d6ea

Салгыыта 3:

Ол түгэни билигин да бу баардыы өйдүүбүн...

Ол курдук киинэбит бүппүтүн кэннэ салгыы аһыы барбыппыт. Кофешоп. Уол соммун бэйэтэ устан, ыйаан эҥин биэрэр. Джентельмен бөҕө. Ол аайы мин астыныы бөҕө.

Остуолга олорон аһаатыбыт, арай ол олорон суумкатыттан пакет хостоото. Ол иһигэр бадаарак. Оруобуна саҥа дьыл кэлэн эрэр этэ, ол иһин бэлэхтээх кэлбит. Моментальнай хаартыска түһэрэр камера уонна блокнот. Наһаа үөрбүтүм.

Ол күн оннук түмүктэммитэ. Өйүүҥҥү күнүгэр мин бэлэҕэр махтанан эппиэт курдук киниэхэ бэрэски астаан ыыппытым. Онно кини эмиэ наһаа махтаммыта. Хаартыскаҕа түһэрэ түһэрэ сиэбитэ, хайдах курдук минньигэһин хаста да эппитэ.

Саҥа дьылбыт тигинээн тиийэн кэлбитэ, биһиги кэпсэтиибит бу айылаах бэлэх, сиэтиһии кэннэ номнуо атын таһымҥа тахсыбыта. Уже һыллыыр смайликтар эҥин көстөллөрө. Наһаа элбэҕи кэпсэтэр этибит. Уонна куруук биир түгэҥҥэ тэбис тэҥҥэ тэҥ тыллары суруйар этибит. Онтубутун «синхрон» диир этибит.

Мин испэр номнуо дьылҕабын көрүстүм дии санаабытым. Тоҕо диэтэр били эрдэ суруйбутум курдук заметкаларбар идеалым уобараһа баар этэ ди, кини онно 100% түбэһэрэ. Олох сакаастаан ылбыт курдук этим.

Саҥа дьыл бырааһынньыктарыгар дьоммор кытта кэпсээбитим, «бу киһиэхэ кэргэн тахсарым буолуо» дии дии күлэ-күлэ хаартыскатын кытта көрдөрбүтүм. Кини эмиэ дьонугар кэпсээбит этэ. Наһаа наһаа дьоллоох этим. Олоҕум тухары күүппүт аналбын дьэ көрүстүм дии саныырым. Ол эрэн тоҕо эрэ сүрэҕим субу-субу дьикти баҕайытык нүөлүйэн ыалдьан ылар этэ. Ону көннөрү дьылҕабын көрсөн, сүрэҕим маннык биллэрэр дии санаабытым...

#сардаанакэпсээнэ