«Есть шанс да?» эбэтэр кыра кыыспыт санаатын күүһүн туһунан😂👌🏼
«Есть шанс да?» эбэтэр кыра кыыспыт санаатын күүһүн туһунан😂👌🏼
Кыра кыыспыт Мичийэ наһаа оҕомсох. Итинник оҕолор баар буолаллар дии? Эбээлээҕэр, аймахтарыгар ыалдьыттыы бардаҕына, астына-астына оҕо көрөрүттэн мин сөҕөөччүбүн🙈 Ээ, мин тус бэйэм ат да манньаҕа көрүө суох курдукпун ыал оҕотун, улахан кыыспыт Сайаана эмиэ бэйэм курдук буолааччы😂👌🏼
2021 сыллаахха улахан кыыспыт Москваҕа үөрэнэ киирбитэ, инньэ гынан, хайдах эрэ дьиэбит иччитэхсийэн хаалбыта. Кыра кыыспыт "Мин наар соҕотохпун" иҥин диэн өрө тыынара элбээбитэ. Аны туран, бука бары билэҕит, киһи устудьуоннуу барда да, дьонугар наһаа наадыйбат буолан хаалааччы дии? Кыыспар өһүргэниэхчэ курдук этим да, бэйэбин санаабытым: оруобуна итинник этим🙈 Устудьуон киһи оннук буо, анараа барыта интэриэһинэй, сонун, дьоҥҥор харчы эрэ наада буоллаҕына биллэҕин🙈😂
Оччолорго кырабыт "Өссө оҕоломмоккут да?" дии сылдьыбыта да, биһиги табыллыбатын билэр буолан, тута "Суох" диэбиппит. Уонна этэбит ээ, наһаа үчүгэй батта, барыта эйиэхэ, кэмпиэти-сакалааты соҕотоҕун сиигин, эн эрэ ачаалыыгын диэн😂👌🏼 Онуоха сөбүлэһэн, уонна ол туһунан кэпсэппэт буолбуппут. Бокуойа да суох, үөрэнэр, үҥкүүгэ уонна оҕунан ытыыга сылдьар.
Арай бу кыһын, кыра кыыһым олунньу ыйга миэхэ ватсаптыыр, барбах хоһугар сытан😂 Кыра оҕо хаартыската бөҕөнү ыыппыт уонна наһаа кырата суох көрдөһүүлээх🙈😂 Дэлби күллүм уонна "Бүт эрэ, мама уже сатаабат" диэтим😂
Оннук аҕыйах күн ааста. Эмиэ ыытар😂 Паапабытыгар көрдөрөбүн уонна иккиэн кистээн күлэбит: "Ээ айа, билигин наһаа оҕолонон оонньооботох киһи. Эмиэ барыта саҥаттан: иик-саах, садик, поделкалар, бастакы кылаас, куруһуоктар, подростковай, ОГЭ, ЕГЭ - үһүс эргиир?! Айаката бэрт дии! Настало время пожить для себя"😂👌🏼 Таҥара ону истэн, бу дьон аһара киэптээри гыннылар, "Пожить для себя диэҥ, ээх чэ" диэбит быһылаах🫡😂
Киэһэ кыыспын кытта кэпсэтэбин: "Кутькинс, маамалаах паапа саастара ырааппыт, сатаан оҕоломмоппут, эдэр сылдьан дьон оҕолонор, сөп? Сотору эдьиэйкэҥ аҕалыа дии, оччоҕо көрүөхпүт кыра оҕону". Киһибит эмиэ да сөбүлэһэр. Онон, уопсай сүбэнэн улахан кыыспыт оҕолонорун кэтэһиэх буоллубут😂👌🏼
...Бүтэһик сылларга хаһан да ылбатах сээкэйбитигэр - тестка икки полоска кытара сытыар дылы икки эрэ ый хаалбытын, түһээн да баттаппаппыт😂
Онон тугу эрэ баҕарар буоллаххытына, биһиги кыра кыыспыт курдук буолуҥ - итинник санааҕытын куйаарга ыыта сытыҥ😎😂🤌🏼 Сила позитивного мышления диэбит курдук🙈😂
N.Vesna·Мама сына (1 год)
чукурушка, наьаа маладьыас о5о😍
·Ответить