Америка ғалымдарының зерттеулері бойынша бала тәрбиесінде ата-әженiң рөлі зор екен. 1992ж. жүргізілген зерттеулер ата-әже тарапынан қолдау көретiн ата-аналар аз стресс алады және олардың балалары әлдеқайда сабырлы болады, қоғамдық өмірге бейімделген, сабақ үлгерімі жақсы және басқаларға қамқорлық танытуға бейiмipек келетінін анықтайды. Сонымен қатар ең бастысы ата-әже: балаларды еркелетеді. Ата-әжелер жасы келіп, даналыққа қол жеткізгендiктен, балалардың перiштеге тән пәктігін анығырақ байқап, олардың балалықпен icтеген кез-келген қылығына шыдамдылық таныта алады.

Бір әже айтыпты 'немерелерiм үйге келгенде қуанамын, ал олар қайтқанда одан да қатты қуанамын' деп, дегенмен ата-әженiң де өз қызығушылықтары бар екенін ұмытпаған жөн.

Ана ретінде маған балаларымның махаббатта толы ортада өскенi, оларды бәрі жақсы көретінiн бiлгенi және ата-әже мейipiмiн көрiп, ашық-жарқын азамат болып өскенi маңызды. Ол үшін анасы бала мен ата-әже арасындағы көпiрдей болуы керек, немерелеріне ата-әжесiнiң оларды жақсы көретінiн және ата-әжелерiнiң қандай жақсы адамдар екенін айтып отыруы керек. Сол себепті Алматыға көшемiз дегенде де қуандым, қызымыз Маруа әжесiнiң мейipiмiн көрiп, аялы алақанында болатын болды ғой. Өз басым үйдің үлкені болғандықтан, Аллаға шүкір 2 апамды да, 2 атамды да көріп, ата-әженiң мейipiміне қарық болып өстім.

Осы орайда ата-әженiң бала өміріндегі рөлі қандай екенін және психологиялық тұрғыдан қандай ережелерді ұстану керектігі жайлы карусельде көрсетiлген кiтаптарда керемет тараулар бар.

Брюс Фейлердiң кiтабына кейінірек толығырақ тоқтала кетермін иншаАллах, бірақ қазірден айтып қояйын оқуға тұрарлықтай жақсы жазылған кітап 👍💚