Дьиэм киртийбитин көрөн баран санаатым.

Дьиэм киртийбитин көрөн баран санаатым.

Студенныы сылдьан аймах ыалбытыгар сотору2 ыалдьыттааччыбыт. Ол саҕана кинилэр икки сыллатааҕы кыра оҕолоохтор. Аҕалара күнү супту үлэлиир. Дьиэлэрэ үксүн быыллаах, муостата кирдээх буолааччы. Ону кэргэним (онно көннөрү табаарыһым) сөҕөөччү, хайдах дьиэлэрин хомумматтар диэн (пока билбэт буо, хайдах кыыһы кэргэн ылаары сылдьарын уонна хайдах дьиэ кинини күүтэрин😂).

Соторутааҕыта ол ыалбар ыалдьыттыы бара сылдьыбытым. Оҕолоро билигин улахан кылаас оҕолоро, дьиэлэрэ ып-ыраас, киһи кута-сүрэ тохтуур, уютнай сир🥰

Өссө биир холобур. Биир эдьиийдээхпин. Ып-ыраас чэбэр кыыс уонна пока оҕото да, кэргэнэ да суох. Биирдэ миэхэ сиргэммиттии кэпсиир: ыалга сылдьыбыт (ийэлэрин иккиэн билэбит), муосталара кип-кирдээх, ханан эрэ сытыйбыт помидор кытта сытар диир. Ол ыал үс оҕолоох, ол саҕана икки сыллатааҕылара кыралар. Уонна ийэлэрэ муостата кирдээҕэр улаханнык наадыйбат курдук диир.

Билигин оҕолоро улааппыттара, дьиэлэрэ улааппыта уонна эмиэ ырааһырбыта😄 Ийэлэрэ олус холку, бириэмэтин сөпкө аттарар, сөбүлүүр дьарыктаах астык кыыс.

Онон сороҕор дьиэм киртийдэҕинэ ол ыал ийэлэрин саныыбын.

Көннөрү кэмэ оннук, барыта ымпыгар-чымпыгар тиийэ идеальнай буолара табыллыбат диэн өйдүүбүн.

Кыра оҕолордоох ыал дьиэтэ кирдээх буолара - нормальнай. Астынар буоллаххына- сууй, хомуй, суох буоллаҕына- сынньан, астынаргын оҥор, аралдьый.

Кэмэ кэллэҕинэ син биир барыта орун-оннугар түһэр❤️