Мамлайф — приложение для современных мам

Чэ бачча киирбиччэ, кыратык санаабын үллэстэ түһүөм Оҕоло…

Чэ бачча киирбиччэ, кыратык санаабын үллэстэ түһүөм

Оҕолонуом иннинэ олус "активнай" олохтоох этим. Устудьуоннуу сылдьан куруук онно-манна кыттарым, кэлэрим-барарым. Үлэлии да киирэн баран үлэбэр эмиэ оннук курдук киирэн-тахсан, дьыала бөҕө ситиһэр үчүгэй үлэһит этим.

Сыал туруоруннум даҕаны эбэһээт, хайдах да буолбутун иһин уонна туох да буолбутун иһин, ситиһэн баран туорааччым.

Ол иһин да буолуо, ситиһиилэрбинэн, кыайыыларбынан, кыһыл дьупулуоммунан, үлэбинэн, 23 сааспар дьиэлэммиппинэн, олус киэҥ туттар этим.

Санаабар, олоҕум тухары инник буолуох курдук этэ...

Ол эрэн, билигин дьэ кэлэн, олоҕу олорон эрэр курдук сананным. Тоҕо? Тоҕо диэтэр куруук сүүрүү-көтүү быыһыгар сылдьан дьиҥ олохтон дьоллоох буолан ылбатах да эбиппин. Күннээҕи олохтон хараҕым уута кэлиэр диэри хаһан даҕаны үөрбэтэх эбиппин. Үчүгэй аска, сылаас ороҥҥо, ыраас дьиэҕэ, дьоммор, олохпор - ис-испиттэн махтамматах да эбиппин. Барытын буолуохтааҕын курдук ылынан, аҥардар "потребляйдыыр" эрэ олоҕуран олорбут эбиппин.

Ийэ буолуу дьоло, үөрүүтэ - миигин уларытта уонна уоскутта. Мин күнүм оҕом мичээриттэн саҕаланара, оҕом күлэрэ, мэниктиирэ, ыллыыра - бу миэхэ дьол. Оҕом тугу эрэ сатыыра, саҥаны арыйара - бу миэхэ ситиһии. Уубун ханан турдахпына, ыксаабакка олорон чээй истэхпинэ, минньигэстик аһаатахпына - бу миэхэ астыныы.

Олоххо "ыксаа да ыксаа" буолар сыыһа эбит диэн өйдөөтүм. Сүүрүү-көтүү, сырсыы, сыалы ситиһэ сатааһын - маннык сылдьан киһи дьиҥ олоҕун куоттаран кэбиһиэн сөп. Ол оннугар олоҕу хайдах баарынан ылынан, туох баарыттан үөрэ, астына, дьоллоно үөрэниэххэ наада. Оччоҕо киһи уоскуйан, налыйан, ордук дириҥник толкуйдуур, көхсө кэҥиир, санаата дириҥиир, дууһата тэнийэр. Дьэ ол кэннэ киһи кырдьык ураты айыылары айыан, саҥаны толкуйдуон, оруннааҕы оҥоруон сөп.

Мин санаабар, саамай дьоллоох киһи - бу манна, бу түгэҥҥэ, дьиҥ олоххо олорор уонна кыраттан, күннээҕиттэн үөрэ үөрэммит, барытын махталы кытта ылынар киэҥ дууһалаах киһи ❤️

онон Ийэ буоллахха - дууһаҥ кэҥиир, сырдыыр, сыдьаайар эбит 💚

Комментарии

— миэхэ наоборот инник этэ... наар тугу эрэ ситиьээри ыксаан тахсарым, ону оноро сылдьан боростуой «бытовухам» мэьэй буоларыттан ниэрбинэйдээн кыьыран барар этим. Дьэ бу санардыы ейденен эрэбин...

— 😍😍😍

— Сардаана наьаа да бэртик суруйа5ын, инстаграмтан То5о суттэ диэбитим, Манна отой былааьы ыла олорор эбиккин😂😍😍😍😍 Эйигин санаатахпына туох эрэ сырдыгы ырааьы кытары ассоциациялыыбын 🌞🌟💫

— ньоо барҕа махтал Ира ☺️❤️
наһаа үчүгэй ассоциация эбит дии 🙈

Инстаграмҥа наһаа элбэх билэр дьонум баар буолан кыбыстар эбиппин маннык суруйарбын 😂 уонна хаартыска эҥин талыахха наада хайыахха наада айака 🤭

— 😍👍👍👍

— Олох бэрткэ суруйбуккун👍👏
Бэйэм олохпун аахпыт курдук сананным🤩

— Наьаа учугэйдик суруйбуккут дии 🤤😍😍 аага олорон астынным даганы 😍

— 😍😍😍

— барыларыгар маннык эрэ буоллун☺️🙌🏻

— Учугэй ба5айытык суруйбуккут ☺️