Пайғамбарымыздың (с.а.у.) өмірінің бәрі тұнып тұрған тренинг, үлкен бір курс. Оның бәрін зерттеп,…

Пайғамбарымыздың (с.а.у.) өмірінің бәрі тұнып тұрған тренинг, үлкен бір курс. Оның бәрін зерттеп, өміріңізде қолдансаңыз, әлбетте екі дүниеде де жетістікке әкелетін ең дұрыс жолмен жүрген боласыз😍 Соның ішінде бүгін сіздермен Алла Елшісінің балаға деген мейірімі жайлы бөліскім келеді.

⠀

❤ Алла Елшісі балаларға қандай еді?

⠀

🌸 Пайғамбарымыз (с.а.у.) балаларды райхан гүліне ұқсатып, ал иісін жаннаттың иісіне теңеген. Немерелерін жиі-жиі қасына шақырып, бауырына басып, мейірлене иіскейтін. Оларды құшақтап, сүйгеннен кейін: «Иә, Алла Тағалам, бұларды мен жақсы көремін, Сен де жақсы көре гөр!» – деп дұға ететін.

⠀

👶 Пайғамбарымыз (с.ғ.с.) жылаған баланы жұбатуға да ерекше көңіл бөлетін. «Кімде-кім жылаған баласын жұбатуға тырысса, Алла Тағала жәннатта оған риза болғанға дейін нығметтерін үйіп-төгеді» деген. Намаз оқытып тұрғанда, жылаған баланың дауысын естісе, намазды тезірек бітіруге тырысатын. Мешітте жамағатпен намаз оқып жатқанда немерелері келіп, үстіне асылып ойнайтын.

⠀

😘 Алла Елшісі (с.ғ.с.): «Балаларыңды көп сүйіңдер. Себебі, сүйген сайын жаннатта бір дәреже беріледі. Әрбір дәреженің ара қашықтығы бес жүз жыл. Періштелер әр сүйгендеріңді санап, жазып отырады» деген.

⠀

👀 Акра ибн Хабис Пайғамбарымыздың (с.а.у) немересі Хасанды сүйіп тұрғанын көріп:

- Менің он балам бар. Олардың ешбірін сүйген емеспін,-дейді.

Сонда Пайғамбарымыз (с.а.у.):

- Мейірім көрсетпегенге мейірім көрсетілмейді,-деген.

⠀

👋 Алла Елшісі балалармен бірінші болып амандасатын, олармен бірге ойнайтын. Бір сахабаға қонаққа келгенде баласымен амандасып, одан ойыншықтарының жағдайын сұрайтын.

⠀

❤ Әнәс (р.а.) былай дейді: «Бала-шағасына Пайғамбарымыздан артық мейірімді жанды көрмедім». Тек өз бала-шағаларына ғана емес, барлық балаға мейіріммен қарайтын.

⠀

💎 Бала «Алла тағаланың берген сыйы» деп қарағандықтан, ұлды артық көріп, қызды кемсітуге жол бермеген. «Кімде кімнің үш қызы болып, ұлды олардан артық санамаса, жақсы тәрбиелесе, Алла ондай ата-анаға жұмақты нәсіп етеді» дейтін. Қыз балаға мейіріммен қарауға шақырып, оның сауабы зор екенін білдіретін.