Калорий санаудың 4 апталық нәтижесі: дене бітімі өзгеруде

#newhabits

4 апталық апдейт.

Ең басында бұл “челлендж” туған күніме дейін болады деп ойладым, яғни 3 аптадай, бірақ қазір 4 апта болды және челленджті әдетке айналдыруға ниеттендім.

Калорий санау жалғасуда және бұл тәсіл ұнайды. Калорий санай бастағаннан бері жаңа дұрыс тамақтану әдеттері пайда болды.

Мысалы: бұрын нан көп жейтін едік. Сары май мен ірімшікпен тост жасап, кофемен таңғы ас ішетінбіз. Ал қазір күніне максимум 1 тілім, кейде еш жемейтін болыппыз (тамақты мен дайындайтын болған үшін, бәрі мен не жесем, соны жейді)).

Қазіргі таңғы аста көбіне қаймақ араластырған сүзбе, үстіне кішкене бал және жеміс-жидек салып жеймін. Немесе жұмыртқа жеймін, қасына міндетті түрде көкөніс және т.б. пайдалы заттар қоямын. Кейде лавашқа түрлі заттар салып, тост жасап жеймін. Жалпы айтқанда, ақуыз жеуге тырысамын.

Салмақ бойынша өзгеріс қатты брлмаса да, дене бітімі өзгеруде. Дене сапасы әлдеқайда жақсырақ қазір. Артық май кетіп, бұлшықет көріне бастады. Әсіресе ішімнің бұлшықеті қазір 🔥 Ішім қап-қатты және рельеф күшті көрініп тұрады. Жалпы денемнің бәрі қатаюда, соны байқадым. Бұрынғыдай былқылдап тұрған май жоқ))

Әлі де өзгертетін жер көп, аяқ-бөксені қатырып өсіру керек.

Апдейттерді апта сайын жазудың қажеті жоқ деп ойлаймын, сондықтан арада бір жазармын өзгерістерді белгілеп тұру үшін.