"Чэ, ытыы түстүн, оҕо ытаан2 улаатар, туох да буолуо суоҕа"- диэн быһа сапсыйар этиилэри истээччигит? Ол кэмҥэ хоско дэлби ииктээн кэбиспит, куттаммыт, ийэтин сылааһыгар наадыйбыт эһээхэй оҕо ытыыр да ытыыр. Кини атаахтаан ытыыр диэни билэ да илик. Ол да буоллар киниэхэ ким да кэлбэт. Психологияҕа "теория привязанности" диэн баар. Оҕо ийэтин кытта 2,5 сааһыгар диэри сыһыана кини инники олоҕун быһаарар диэн. Оҕо: ийэм куруутун аттыбар баар, куттанар, тоҥор, ытыыр кэммэр тута кэлэр, ол аата мин киниэхэ эрэниэхпин сөп диэн санаалаах улааттаҕына, дьоҥҥо эмиэ эрэнэр, тулалыыр эйгэттэн куттаммат буола улаатар. Мин бэйэм игирэлэрбин кыһыл оҕо эрдэхтэринэ ардыгар ытатар этим утуйалларыгар. Оронноругар хаалларан. Сэниэм эстэн, сылайан. Сороҕор аҕам тылын истэн: "Биһиги ытаан2 кэлбиппит, ничего". Билигин кэлэн ол көстөр: кыра кыыһым, оһуоба ыалдьыт кэллэҕинэ, хаппырыыс, иилистэ сылдьар буолан хаалар, миигин көҥөнөр, көтөхтөрдө да түспэт, ыксыыр ийэм барыа диэн. Сорох оҕолор туора дьонтон олус куттанар буолаллар, эбэтэр ийэлэрэ дьиэттэн бараары гыннаҕына куруутун ытыыллар. Ол ону көннөрөн кэлин түүннэри ытаатахтарына хайаан да уоскутар, аттыларыгар буола сатыыбын. "Коррекция привязанности" диэн. Сыһыана эрэллээх оҕо тула эйгэтин үөрэтэ, билэ-көрө сатыы сылдьар, площадкаҕа да таҕыстаҕына олус көҥүллүк сылдьар, ийэтин манаан тахсыбат, тоҕо диэтэр билэр: ийэтэ аттыгар баар. Ийэтэ ханна эрэ бараары гыннаҕына холкутук покалаһар, тоҕо диэтэр эрэнэр: ийэтэ кэлиэ. Онон оҕо, оһуоба 2,5 сааһыгар диэри, ытыыр кэмигэр уоскутаргыт кини инники олоҕун эрэллээх оҥорор. Оҕоҕо ол кэмҥэ ийэтэ - кини бу сиргэ баарын, олорорун туоһута.
Сахалыы уол оҕо ааттарын сүбэлээн эрэ🙏🏻🫰🏻👀
Оҕо таннары атаҕын икки ардынан көр да көр буолар буоллаҕына туох дииллэр этэй? Туох эрэ суеверия баар этэ дии👀
Оҕом баттаҕа наһаа күлүүлээхтик үүнэр😅 тэҥнээн биэрэрбит ду манныгы, ис өттүнэн кылгас уонна кудряшка бөҕө, таһынан уһуттар
