Ребёнок подавился металлической деталью: мой страшный опыт
Dünən çox dəhşətli hadisə baş verdi🥺 Təsirindən çıxa bilmirəm🥺 Bəlkə də kiçik qızım Zeynəb artıq aramızda olmayacaqdı....🥺
Hadisə belə baş verdi: Zeynəbi əynini dəyişmək üçün divana uzatdım. Bəzi işlərim var idi, otaqdan çıxdım. Ağlamağa başladı. Anam bir neçə oyuncaq verdi, sakitləşmədi. Stolun üstündə paltar asmaq üçün şpilka var idi, onu verdi. Uşaq sakitləşib oynamağa başladı. Anam da böyük qızımı götürüb həyətə düşdü. Birdən eşitdim Zeynəbdən qəribə səslər gəlir. Əvvəl başa düşmədim. Qəfil yadıma düşdü ki, əlində şpilka var idi. Tez otağa qaçdım. Uşaq boğulurdu. Gördüm şpilka iki yerə bölünüb, hərəsi bir tərəfə düşüb. Ortasında olan dəmir yoxdur. Tez dəmiri axtarmağa başladım, hələ inanmaq istəmirəm ki, uşaq dəmiri udub🥺 Və..... dəmir yoxdur. O an anladım, tez uşağı qaldırdım, uşaq isə boğulur, birtəhər tərzdə udqunmağa çalışır. Qapıya necə qaçdığımı bilmirəm.... Açıb qışqırdım: "Ana, bəbə ölür......"
Anam tələsik evə qaçdı, izah etməyə çalışdım. Uşağı üzü aşağı əyib belinə vurmağa başladı. Uşaq çırpınır əlimdə🥺 Qaldırıram, yenə anam əyib vurur. Uşaq isə boğulur. Anam əlini saldı uşağın ağzına, dedi dəmir əlimə dəyir. Boğazına ilişib🥺 Nə qədər cəhd edirsə, çıxarda bilmir. Bütün bunlar baş verərkən mən dayanmadan qışqırıram, nəfəsim kəsilir, deyirəm: "Uşağım ölür🥺"
Birdən gördüm uşağın ağzından qan gəlir, dəmir boğazını cırır😭 Anam çıxartmağa çalışdıqca dəmir daha da əzir, anamın əli, qolları qan, uşağın paltarı qan, yerə qan tökülür.
Mən dəhşət içində qışqırıram, anamın rəngi ağarıb, qorxu içində nə edəcəyini bilmir. Uşaq da çırpınır.
Birdən mənə güc gəldi, anladım ki, nəsə eləməsəm, körpəm öləcək. Vahimə içində əlimi atdım uşağın ağzına, dəmir isə yoxdu. Nə olur-olsun əlimi daha dərinə apardım, dəmir dəydi əlimə🥺 Eninə düşüb uşağın boğazına, çıxmır heç cür. Və..... birdən hiss elədim ki, dəmir fırlandı. Tez böyrü üstdə çəkib çıxartdım🥺🥺🥺
Gerisi isə qan gəldi, uşaq uzun müddət çox dəhşətli qışqırırdı, susmurdu. Süd də içmədi. Ümumiyyətlə narahat idi. Sonra anam havaya çıxartdı, yoruldu yatdı. Oyanıb yenə dayanmadan qışqırırdı. Udqunmağa çalışırdı, ağrıdan ağlayırdı🥺
Allaha sonsuz şükür olsun, körpəm qurtuldu🥺
O vahimənin içində anamla necə dua edirdik, Allaha həmd olsun, qızım xilas oldu🥺
O qədər sarsıldım ki, fikrimdən çıxmır🥺
Afaq·
Мама дочки (2 года), беременна (38 нед.)
Ele anlarda insana vəhşi bir cəsarət gelir. Belə hadisəyə bənzər qızımın boğazında yemək ilişəndə olmuşdu. Anlayırsan ki, ancaq öz intuisiyana və cəldliyinə guvənməlisən. Amma dəmir ...Bu lap dəhşətlidi, çox şükür cəld tərpənmisiz.
Allah qorusun balanizi. 💖
Zəhra··
Мама двоих (младенец)
Amin🤲 Allah bütün uşaqları qorusun. Təşəkkür edirəm❤️🩹🫂
Bəli, doğru deyirsiz. Normalda eləyə bilməyəcəyim iş idi, amma o an həmin qorxunc vəziyyətdə əlimi salıb o dəmiri necə çıxartdığıma inana bilmirəm🥺
Afaq··
Мама дочки (2 года), беременна (38 нед.)
ana olduğunuz üçün əlbəttə ki.🌸💕
Zəhra··
Мама двоих (младенец)
🥹❤️🩹
Ayna Kazimli·
Ay allah tesevvur eliyirem halivizi🤦🏼♀️🤦🏼♀️🤦🏼♀️men adi uwag oguyende deli oluram qisqiriram srazi cox qorxuram bogulmag islerinden 😣😣 Allah qoruyub balavi insallah bunnan sora diqqetli olarsan 😕belke hekime gosderesiz bogazini yazix usag🥺
Zəhra··
Мама двоих (младенец)
Elə pis qorxmuşam dünən🥺 Daha ancaq yumşaq, uda bilməyəcəyi oyuncaqlar verirəm😔
Bu gün daha yaxşıdır şükür🥹