Ремонт в квартире: эпопея с сантехникой и бюджетом

Ремонт деген эпопея басталды бізде. Қиын, әрі қымбат екен((

2,5 жыл бұрын өзіміздің пәтерге көшкенде, жолдасым екеуіміз кішігірім косметикалық ремонт жасағанбыз. Тек дәретхана мен жуынатын бөлмелерде ешнәрсе жасаған жоқпыз.

Соңғы ремонт 20-25 жыл бұрын жасалса да, өте сапалы болған - сантехникасы grohe, барлық плиткалар орнында, жалпы жағдайы жақсы болды. Тек қана ортақ құбырлар ескі - шойын мен темір еді.

Біраз уақыттан соң сол ортақ құбырлардың біреуі тесіліп, еден сулана бастады. Сонымен құбырларды ауыстыруға тура келді, ал ауыстыру үшін әрине қабырғаны қирату керек болды.

Қабырға қиратылғаннан соң, амал жоқ, ремонтты ойлай бастадық. Жұмысшылар іздестірдік, бірақ ешқайсысы ұнамай, келісе алмадық.

Инстаграмнан біреулерді шақырдық, олар тек жұмысына 1,7-1,8 млн теңге деді. Олардың бұрынғы клиенттерін тауып, сұрастырсам - жұмыстары орташа деп айтты. Леруаға да бардық, олар тек демонтажға +700К теңге деді. 😳 Ремонттың уақыты да олардың процесстеріне байланысты ұзақ болатын болды. Ақыры көршілерімізге ремонт жасаған бригаданы тауып, солармен келістік.

Бәрі тез арада басталып, сәті түсіп, жүріп кетті. Ремонт кезінде басқа тұратын жер де табылды, ақша да табылды. Енді жүрмін түрлі құрылыс дүкендері мен базарларында, керекті заттарды іздеп.

Таңдау жасау жалпы қиын зат қой, ал егер сен таңдау жасау керек затыңның егжей-тегжейін білмесең - жұмысың одан да қиын. Мен қандай сантехника жақсы екенін, қандай бөлшектеріне мән беру керек екенін білген жоқ едім, енді бәрін оқып, қарастырып жүрмін.

Жалпы ремонт 70%-ға дайын деуге болады, тек кейбір ұсақ заттарды алу керек және де жиһазға тапсырыс беру керек.

П.С. Осы ремонт барысында “неге бәрі сондай қымбат” деген ой қалды басымда. Мен бастапқыда ойлаған ақшаның 2 есесіне шығып кеттік 😭