Декреттэ олороммун дьиэттэн үлэлиибин: үлэ, оҕо көрүүтэ уонна утуйбат түүннэр

Декретка олороммун дьиэттэн үлэлиибин. Дьиэ үлэтэ, оҕо көрүүтэ, үлэм наһаа да сылаталлар. Ылбаппын проектары диибин эрээри, харчы тиийбэтиттэн ылабын. Сүгүн утуйбатаҕым хаһыс да сылыгар барда. Саатарын улахаттарым сотору2 больничнай бараллар. Күнүһүн сүгүн үлэлэппэттэр бары дьиэҕэ баар буоллахтарына. Олорон истэххинэ аһыахтарын, бииргэ оонньуохтарын баҕараллар. Сып сап астаан, бииргэ оонньоон үлэҕин саҕалаан истэххинэ кырам аччыктаан утуйара кэлэн хаппырыыһырара кэлэр. Оннук буккулла сылдьан киэһээ буола охсор. Үлэҕин бүтэрбэккэ хаалаҕын. Утуйар уубун умнан туран үлэлиэм диэн сананан олордохпуна тоҕо уһугун да уһугун буолалларый? Саатар биир күн сүгүн үлэлэппэттэрий? Наһаа да сылайдым. Бүгүн түүннэри үлэлиэм диэн олорбутум. Кыра кыыһым тур да тур. Ытаа да ытаа утуйа сытан. Аны орто кыыһым хоһуттан ытыы2 уһуктан кэллэ. Кинини утута сатыы олоробун. Этэҥҥэ сарсыарда буолан эрэр. Утуйбатым, үлэм хаалла... Сылайдым...