урукку суруктарбын хастым 🥹 син бэккэ суруйар эбиппин🥹😂

Атырдьах ыйын 6 кунэ. Самаан сайын бутэьик былдьаьык куннэрэ, от улэтин угэнэ, енурук куйаастар син намыраан тураллар, тэлэбиизэргэ Рио-де-Жанейро куоракка Олимпиада ооньууларын аьыллыыта буола турар. Ону таьынан уьус быраатым Арсен тереебут кунэ буолан, ас астыы сылдьан, кэлэ-бара син туох-хайдах представление буола турарын керебун. Онтон арай церемония5а о5олор суурэн киирдилэр, биир кыра кыысчаан отой ыраа5ынан о5олоруттан хаалан хаалаахтаата. Кинини со5отохтуу суурэн иьэрин хаста да кердердулэр. А5абынаан "оо" диэн иккиэн сана аллайдыбыт. Арааскыта иккиэн биир тугэни санаан ыллыбыт быьылаах😊

Уруут олох кыра сырыттахпына, 4-5 саастаахпар, "мама папа я спортивная семья" диэн улуустаа5ы дьиэ кэргэн курэ5эр кыттан турардаахпыт. Онно сууруу курэ5э баара, о5олорго. 400 миэтирэ дуу, 600 этэ дуу. Чэ, инник курдук. Аны туран саастарынан игин араарбатылар, дьиэ кэргэнтэн биирдии о5о, уонна барыбытын бииргэ сууртулэр. Атын ыаллар о5олоро улахаттарыын, букатын мин хантайан керебун. Дьэ онно миигин аьан кэбиспэтилэр да. Хайыахпыный, ыал улахан о5ото буоламмын, теье да чиэьинэйэ суох курэ5ин иьин, киирсэн эрэ керербер тиийэбин. Аны ардах да ардах, тыал да тыал, куьунну халлаан тымныы ба5айы. Таьырдьа стадионна буола турар курэх барыта. А5ам урдэрбэтин диэн дуу ,хайдах дуу били обычнай пакеты дьелен баран кэтэрдэн кэбистэ. Быычыкаанык киьи соьуйдум эрэ "то5о салапаан кэтэртилэр? аата муодатын маннык салаппааннаах суурэбин что ли?" игин эрэ диэн санаалар киирэллэр. Дьэ, стартовай линия5а турдубут, арай дьон бары биьигини керер, курэхтэьэр о5олорум ынырыктар, бу санаатахха экипировка бе5елер эбит. Мин буолла5ына кып -кырабын, эбиитин салапааннаахпын игин. Ээ дьэ барахсан. Долгуйан тобугум салыбыраата, дьэ тыын ылан э5ирийэн истэхпинэ "марш!" диэн хаьыытаатылар. Туьунэн кэбистэхпит уьу. А5ыйахта атыллаат, дьонум кестубэт буолан иьэллэр, олоох ыраа5ынан хааллым. Ардах бе5е саатар, утары тыал. Финишым сол кэлиэ суох курдук. Арай ол суурэн истэхпинэ ким эрэ "Айсена!" диэн хаьытаата, кербутум дорожка таьынан кытыытынан а5ам тэннэ суурсэн иьэр эбит. Уердэхпиин. "Чэ кытаат кытаат! Кыра хаалла!" дии дии уерэ-уерэ суурсэн иьэр. А5абын кереет кыратык уйадыйдым хара5ым уута игин кэллэ быьылаах, ол да буоллар куус-сэниэ эбиллэн биэрбиккэ дылы буолла. О5олор букатын фиништаабыттара ырааппытын кэннэ тиийээхтээбитим. Ийэм эмиэ финишка кэтэьэн турар этэ икки илиитин утары ууммутунан. Дьэ онон, киьи теье да мелтех, "кыра", кэнниттэн бастакы да буоллар, эйиэхэ эрэнэр ыалдьар дьон баар буолла5ына, киьи санаата туспэт, хотторбот.