Соhуччу эпилепсия ыарыы 2 сыл аннараа өттүгэр бу күн олус сылаас сайыҥҥы күн турбута. Биhиги ыаллар дьэ сайын үтүө…

Соhуччу эпилепсия ыарыы

2 сыл аннараа өттүгэр бу күн олус сылаас сайыҥҥы күн турбута. Биhиги ыаллар дьэ сайын үтүө күннэрин куоттарымаары кыра о5олорбутун кыбыммытынан онно - манна күүлэйдии барарбыт. Ол күн дьүөгэ кыыспар бардыбыт. Сөрүүн түспүтүн кэннэ. Урукку ферма тастарыгар тиийэн хапта5ас көрдүбүт . Дэлэччи үүммүт этэ. Онно о5олорбутун хаартыска5а түhэрдибит. Астык кадрдар буоллулар. Кырачааммыт 4 эрэ ыйдаах быыкаа киhичээн. Кып-кыра илиилэринэн сэбирдэ5и тыытара. Айа5ар угуо диэн куттал. hуу-hаа буолан сып-сап хаартыскалаатыбыт. Кыратык хаптаҕас үргээтибит. Таhырдьа лаппа сөрүүкээн, уолбут илиитэ, ата5а томмут этэ. Дьиэбитигэр тиийэн оҥостон сыттыбыт. Барыта этэҥҥэ этэ. Эмиий эмтэрэн утуттум. Кырачааннарбын кытары улахан ороҥҥо утуйабыт. А5абыт туспа. О5ом утуйбутун кэннэ мин тиэрэ хайыhан, орон биир өттүгэр тиийэн сыттым. Телефон көрөбүн. О5обор экран уота мэhэйдиэ диэн куотар быhыым этэ 😅 Бары утуйан буккураатыбыт. Ол күн улахан уол а5атын кытары сыппыт этэ.

Арай түүн кырачааным ата5а илиитэ миигин таарыйар. Ол эрэн о5ом ытаабат. Мин инстинктивно аhыы турда диэммин о5обор чугаhаатым. Тэйиччи сытта5ым дии. Эмиийбин ороон дьэ эмтэрээри гыммытым... О5ом илиитэ үөhэ күөрэйэн сытар эбит. Сирэйин чугаhаан көрдүм атын ба5айы. Тута улахан ба5айытык хаhыытаатым: Папатааа, папатаа....

Салгыытын суруйуом✍️

P.s.: бу ыарыы эмискэччи са5аланыан сөп эбит. Хас биир ийэ осведомленнай уонна этэргэ дылы бэлэм буолуон наада диэммин суруйан эрэбин. Хайа да о5о бу ыарыынан ыалдьыбатар ханнык🙏🙏🙏 Ол эрэн биhиги да күүппэтэх ыарыыбыт эмискэ кэлэн соhуппута. Ол иhин "а вдруг" ким эрэ манныкка түбэстэ да аа5ан баран өйдөөн кэлэн ыксаллаах кэмҥэ манна суруйбут сүбэбин туттуо диэн сыалтан кэпсиибин. Кимиэхэ да бу ыарыы ыаллаhарын ба5арбаппыт🙏🙌