Бугун что за день ? 👀

Бөтүрүөп күнүгэр тугу гынар бобуулааҕый уонна туох көҥүллэнэрий? Суевериелартан быһа тардан суруйуохха, эһиги эмиэ ситэрэн биэриҥ👇

Бастаан икки саамай үчүгэйэ 😂

Бу күн ыарахан үлэни үлэлиир көҥүллэммэт.

Бу күн дьиэни хомунар, ону маны сууйар тарыыр көҥүллэммэт. Дьолгун сууйан, ыраастаан кэбиһиэххин сөп.

Иистэнэр, таҥас өтүүктүүр көҥүллэммэт.

Ыал буолар көҥүллэммэт. Дьоло суох буолар үһүгүн.

Зато төһө баҕар балыктыаххын сөп. Бүгүн Күөх Боллох ыы быччары балык биэрэр күнэ тоҕо диэтэр Бөтүрүөп балыксыттары харыстыыр таҥара. Оттон бүгүн балыктыы тахсыбатах балыксыт сылы быһа балыга суох хаалар кутталланар☝️онон кэргэттэргитин күөлгэ, өрүскэ үүрүҥ🐟🐟🐟

Так. Аны туран түүн 24.00 кэннэ бэс ыйын 13 күнэ үүнэр. Ол эбэтэр туох күнэй? Саамай сөп, абааһы мунньаҕын күнэ👹👹👹. Кыра эрдэхпитинэ эбээлээҕим бу күн эрдэ баҕайы утутааччылар, мэниктээбит ыһыытаабыт хаһыытаабыт оҕо оройго бэриллэрэ. Ааны, түннүктэри барытын ыга сабан бүрүйэн баран уу чуумпутук утуйан хаалыллааччы. Онон оттооҕор намыһах уутааҕар чуумпу сылдьаҕыт. Аһаҕас түннүк хаалларбаккыт. Таһырдьа таҥас ыйаан хаалларбаккыт, особенно ис таҥас, оҕо таҥаһа, наскы. Абааһы 💩💩💩 кэбиһэр үһү, оччоҕо ол таҥас хаһаайына ыалдьар🥲 Аны туран бырдаҕы, сахсырҕаны, таракааны да өлөрбөккүт. Бу күн киһибин диэн киэптээбэккин. Өлүү списогар бу күн үөн, кыыл дууһата уонна эн дууһан тэҥҥэ тураллар эбит. Онон улахан буруйунан ааҕыллар. Хаамар сиргин көрө сырыт, алҕас кымырдаҕас үктүөҥ☝️😂 Кыылларгын, куоскаҕын, ыккын эмиэ мөҕүмэ, кырбаама. Дьону кытта этиһиэ, үөхсүө,куһаҕаны баҕарыа суохтааххын. Оттообоккун. Ол түүн түһээбитин туолар онон запоминайдыы сатаа☝️

Абааһылар мунньахтарыгар бу сыл ким тыына быстарын быһаараллар. Онон кинилэр болҕомтолорун айдааран игин бэйэҕэр тардыбакка сылдьыахтааххын. А то кыыһыран баран списокка уган кэбиһиэхтэрин сөп диэхтииллэрэ өбүгэлэрбит барахсаттар. Маннык суеверие барыта айылҕа хамсааһынын кытта сибээстээҕэ, онон барытыгар есть доля правды.