Дьахтар олоҕун тухары уларыйар кэмэ элбэх. Бастакы тургутуу - ыйдааҕы кэлиитэ. Кыыс оҕо бу туругу…

Дьахтар олоҕун тухары уларыйар кэмэ элбэх. Бастакы тургутуу - ыйдааҕы кэлиитэ. Кыыс оҕо бу туругу хайдах ылынарыттан элбэх тутулуктаах. Мин иһиттэхпинэ үксүн ылымматтар, уол оҕоҕо ымсыырар да түгэн баар, хаһан бүтэрин эрэ баҕарар түгэн элбэх. Дьиҥэр, ыйдааҕыны ылыныы - дьахтар буоларбытын билинии буолар. Хаан кэлэрэ биһиги уратыбыт, олоҕу үөскэтэн таһаарар сүдү күүспүт бэлиэтэ.

Дьахтар ТЫЫН ХААТА буолар. Хотун диэн тылбыт ону бэлиэтиир. Хотун (Хатын) - "хаа тыын" диэн икки тылтан үөскээбит. Дающая жизнь, вместилище жизни, утроба. "Хат ТЫЫН" диэн эмиэ буолуон сөп. Повторяющаяся жизнь. Санаан көрүҥ! Бу планетаҕа саамай сүдү күүс - ДЬАХТАР КҮҮҺЭ. Айыылар анаан-таптаан-маанылаан айбыт күүстэрэ. Олоҕу айар уонна төрөтөр күүс.

Онон ыйдааҕы кэлиитэ - олоҕу уруйдуур бэлиэ. Онон кыыс оҕолоох буоллаххытына, кыра эрдэҕиттэн ыйдааҕы кэлэригэр бэлэмнээҥ. Кыыс оҕо аналын-уратытын эрдэттэн өйдөтүҥ. Бастакы хаан кэлэрин үөрэ-көтө көрсөрүҥ курдук тэрийиҥ. Маннык кыыс оҕо улахан күүһү туппут буолан, үйэтин-сааһын тухары хаһан да дьахтар быһыытынан кимиэхэ да атаҕастатыа суоҕа, эр киһини кытта сөптөөх сыһыан олохтуур кыахтаах буолуо. Уол оҕолоох буоллаххытына, кыыс оҕону харыстыырга үөрэтиҥ.

Маннык үллэстэрим төһө туһалааҕый?