Задержка 1-2 дня: тест показал слабую полоску – это беременность?

Мин кэпсээним 5 чааһа

Эмиэ күүтүү саҕаланна, күнү дьылы ааҕыы. Оҕолонуохтарын баҕарар кыргыттар өйдүөхтэрэ 1-2күн задержка буолла да тест ыла сүүрэбит. Баҕар буолбутум буолуо диэн долгуйа күүтүү, тестка биир полосканы көрөн санаа түһүүтэ. Инник состояниеҕа сылдьан номнуо 4сыл ааста. Ол сыллар тухары өйүм санаам барыта оҕо. Онон манан көрдөрүнэ сатыыбын. Хайдах эрэ барытын ситэ тириэрпэккэ түмүктээн иһэр курдугум, аралдьыйаары үлэҕэ умса түһэбин, бэйэбин сааратаары кэтэхтэн үөрэххэ игин киирдим. Арай биир үтүө күн тестаммытым иккис биллэр биллибэт, көстөр-көстүбэт полоска тахсан кэллэ😍 үөрдүм да куттанным да. Эмиэ 4-5нэдиэлэбэр мазайдаан барда. Бу кэмҥэ испэр эрдэ хайдах эрэ сэрэйбитим, ол эрэн син биир наһаа күүстээх эрэл баара. 4сыл сынньаммыт организм уйуохтаах табыллыахтаах диэн. Улуус киинигэр балыаһаҕа киирдим. Узилаатылар барыта үчүгэй. Плодное яйцо баар, сайдыыта үчүгэй, ол эрэн кыра отслойкалаах диэтилэр. Бырааһым сыта түс билигин сүрэҕин тэбиитэ иһиллибэт, күүтүөххэ диэтэ. Мин оронтон турбакка харыстанан лигиччи сытабын. Туалетка уонна аһыы эрэ турабын. Санаабар турдахпына хааным сүүрэрэ бэргиэ дии саныыбын. Оннук биир ый курдук сыттым уонна эмиэ узилаатылар. УЗИ бырааһа саҥа үлэлээн эрэр эдэр кыыс этэ онтум -"Ааспыттааҥҥыттан улааппатах диэтэ" онтон узим результатын илдьэ бырааһым киирдэ уонна ыраастыахха наада "замершай" буолбут сайдыбатах диэтэ, мин олох итэҕэйбэппин, узист быраас сыыһа көрбүт мин куоракка барабын диэтим. Ону бырааһым -"Эйиигин ким онно илдьэр? Таксинан бараҕын дуо?"диэбитэ. -"Кэргэним илдьиэ!" диэтим уонна больничнайбын саптаран аны куоракка айаннаатыбыт. Бэстээх паромугар икки чааһынан тиийиэхтээхпитин, оҕобутун харыстаан, аны гематомам улаатыа диэн быып-бытааннык 5 аҥаар чааһы быһа айаннаан сарсыардаттан эбиэт кэннэ биирдэ кэллибит. Бу сырыыбар ПЦ саҥа арыллан үлэлээн эрэр этэ онно тута тиийбэккэ бастаан узиланным. Узиһым көрөн баран -" неразвивающаяся беременность, вижу два плодных яйца" диэтэ. Төһөлөөх хомойбуппунууй😭 хайыахпытый иккиэн санаабыт түһэн тугуу да саҥарбакка ПЦ айаннаатыбыт. Таблетканан түһэрэбит кып кыраттан иҥнэ сылдьаллар уже деформацияламмыттар диэтилэр. Ол кэмҥэ быраастар сыһыаннара наһаа үчүгэй буолбут, барытын ыйан кэрдэн, сүбэлээн-амалаан, сөптөөх, боростуой киһи өйдүүр тылынан барытын быһааран биэрдилэр. Куотар оҕолор куоталлар, хаалар киһи хайдах да гыннахха хаалар диэн наһаа үчүгэйдик уоскуппуттара. Мин ол тухары хараҕым уута сүүрэ олорор, тыыным хаайтарыар диэри ытаабытым. Таблетка уган баран, онтон поликлинаҕар узиланаар түспэтэх буоллахтарына ыраастыахпыт кэлээр диэбиттэрэ быһылааҕа. Узиламмытым барыта ыраастаммыт этэ. Оннук 2 киһиттэн матан сүрэхпэр бааһым өссө дириҥээбитэ...

Салгыы суруйуом