Как пережить аборт? Личный опыт и поддержка

Мин кэпсээним 4чааһа
Бу сырыы кэннэ кэргэммин көрө-көрө абааһы көрөр буоллум. Абортка барар кыргыттартан абарарым. Наһаа кыһыылаах дии? Эн оҕолонуоххун баҕарарын сатаммат, онтон ким эрэ баран чэпчэки баҕайытык түһэттэрэн биһэр. Биир түгэни көтүппүт эбиппин. Иккис сырыыбар балыаһаҕа сыттахпына подругам эрийдэ уонна -"Эн гинекологияҕа бааргын дуо? Көрсүөххэ!" Диэтэ. Кини түһэттэрэ кэлбит эбит. Испэр киниэхэ наһаа кыыһырдым. Кыыһым платно начаас оҥороллор эбит ыраастаан баран аҕыйах чаас сытыаран баран дьиэҕэр ыыталлар игин диэбит курдук элбэх элбэҕи кэпсээтэ. Ол кэннэ ол кыыһы кытта өр сатаан кэпсэппэккэ сылдьыбытым, ол эрээри киниэхэ эппэтэҕим тоҕо түһэттэрдин? Игин диэн олох ыйыппатаҕым. Дьикти ди? икки киһи олоробут иккиэн туспа кыһалҕалаах дьон эбиппит, ким эрэ оҕолоно сатыыр, ким эрэ харчы төлүү төлүү түһэттэрэ кэлбит. Онтон 10ча сыл буолан баран биирдэ арыллан кэпсээбитэ. Кыыһым онно оҕото иһигэр сылдьан сайдыыта тохтоон хаалбыт эбит этэ. Үлэтигэр больничнай ылымаары харчыга кэлэн түһэттэрбит эбит. Тоҕо оннук гыммытын ситэ билбэккэ сылдьан сыыһа кыыһыра, куһаҕаннык саныы сылдьыбыт буолан тахсыбытым.
Иккис оҕом куоппутун кэннэ санаам өссө түспүтэ, нууччалыы эттэххэ "руки опустились". Аны хат буоллахпына эмиэ куотуо диэн куттана сылдьар буолбутум. Оннук санаа киирэн испиттэн сиэн барбыта. Ол эрэн чэ хата биир оҕолоохпун, оҕом доруобай үчүгэй, диэн бэйэбин уоскутунааччым.
Уонна били эдьиийиттэн сылтаан кэргэним дьонугар кыыһырбыт санаам улаатан, барыларын сөбүлээбэт буолбутум. Күүлэйдии кэллэхтэринэ көрө-көрө хайдах эрэ олох барыларын испэр киллэрбэт этим. Эбиитин дэриэбинэ дьоно бары наһаа үчүгэй ыалларгыт, барыгыт бары баар того өссө оҕоломмоккут диир киһи элбээбитэ. Бырааспыт кытта оҕобуттан -"Өссө оҕо ылбаккын дуо?" диэн көрдөҕүн аайы ыйытар этэ. Кыыһым улаатан соҕотохсуйар аҕай буолбута, өрүү оҕо көрдүүр, мин сааратаары оонньуур оҕо көрдүүртэн соло булбаппын. Саамай тактичнайа суох боппуруос ди кыһалҕалаах киһиттэн инник ыйыталлара? Кыһалҕалаахпын билбэт да дьон инник ыйыталлара олох сыыһа дии саныыбын. Били кэргэнэ суох киһиттэн хаһан кэргэн бараҕын саас ыраатта диэн ыйыталлара, этэллэрэ эмиэ сыыһа дии саныыбын. Бэйэтэ да билэ сылдьара буолуо дии. Бүтэр уһугар ким даҕаны кимтэн да оҕолонорун оҕоломмотун, кэргэн барарын барбатын ыйыппат быһыылаах дии. Барыта кэмнээх кэрдиистээх.
Салгыы суруйуом