Как справиться с послеродовой депрессией? Личный опыт

Мин кэпсээним 2чааһа

Биир эмиэ мин курдук угрозалаан киирбит кыыс баара. Киниэхэ күн аайы кэргэнэ оҕото кэлэллэр, мин аны онно ымсыыран ытыыбын, оҕобун ахтабын. Оччолорго оннук көҥүл киллэрэллэр этэ билигин оннук суох ди?😅 Уонна атыттар диагнозтара атын этэ биир тымныйан киирбит эдэркээн студентка кыыс баарын өйдүүбүн. Ыам ыйын бүтүүтэ итииргээн сөтүөлээбиттэр. Ол түмүгэр маткатын тымнытан хаана барбыт. Кэпсээбитигэр сөхпүтүм оччо буолан өйдөөн хаалбыппын. Күн аайы мин систиэмэ укол бөҕө, куттанан өрүү сытабын, хамсаабаппын даҕаны.

Үһүс күммэр быһылааҕа түүн утуйа сытан уһуктан кэлбитим оронум ибис инчэҕэй. Ииктээн биспиппин дуу дии саныахпар диэри. Ойон туран телефонум фонаригын холбоон көрбүтүм барыта хаан сиспэр диэри. Кыргыттары уһугуннарыам диэн уу чуумпутук салфетканан соттубута буолаат сотторбунан эринэн баран аргаайдык ординаторскайга хаамтым. Ол тухары шоктаан эбитэ дуу, олох биир да эмоция суох. Чаһы курдук бырааска баран этиэххэ диэн баран хаама турдум. Кими да уһугуннарбатым да, аймамматым да. Ординаторскайга тиийбитим ким да суох, күүтүөххэ туалеттыы игин барбыта буолуо диэн көрүдүөргэ син өр турдум. Бырааһым суох онтон хата биир медсестра кэллэ, кэпсээтим, киһим бырааһы билигин ыҥырыам диэн баран аллараа түһэн бара турда. Эмиэ син өр турдум уонна ол туран оҕобун кытта кэпсэтэбин. -"үчүгэйгин ди? Бааргын ди?" -"Баһаалыста Айыы Тойон таҥарам оҕобун харыстаа" диэн ботугуруу турабын. Олох хайаан да үчүгэй буолуохтаах, миэнэ хайаан сатаныа суоҕай? Диэн төбөм иһигэр толкуйдар киирдилэр, ол туран өйдөөбүтүм иһим түгэҕэ схватка киирэрин курдук ыалдьа аҕай турар эбиппин уонна саныыбын билигин оҕобун испиттэн ылаары гыныахтара олох сөбүлэһиэм суоҕа бастаан УЗИлаан диэҕим диибин. Быраас нэһиилэ хааман кирилиэһи тахсан иһэр эбит, сарсыарда 4чаас саҕана этэ. Тимир сирэйдээх саха чүөчэтэ кэллэ уонна тугуу да көрбөккө -"у вас произошел выкидыш, плод спасти не удастся"- диэтэ.

Дьэ онно саҕаланна ээ, мин тулуйбатым ытаан киирэн бардым, сатаан саҥарбаппын даҕаны били узилаан игин диэн этиэхтээхпин, сатаан саҥарбат да гына ытаатым, саҥараары гынным да куолайбар хомуок турар курдук буолар уонна хараҕым уута саккыраабытынан барар.

Маннык түгэҥҥэ элбэх дьахтар түбэһэ сылдьыбыт буолуохтаах. Наһаа улахан стресс, бары өттүнэн. Биир өттүттэн организм стресстыыр, биир өттүттэн уйулган. Мин бастакы сырыым этэ инник ыраастатар, аборт игин диэни хаһан да оҥотторботох киһиэхэ шок. Уонна онно медперсонал сыһыана куһаҕана бу тоҥуйдара. Терьпи! Как не можешь! Иин диэн кытаанах кытаанах саҥа бөҕө, анестизиолог кэлэн баран -" Почему среди ночи нас беспокоить! Не могла потерьпеть чуток!" Игин диэбит курдук. Наһаалар дии бу санаатахха. Кинилэрэ да суох куһаҕан туруктаах сытарбын көрбөттөрө буолуо да?! Өссө кэһэтэн биэриэххэ наада диэбит курдук. Ону кырдьык даҕаны наһаа куһаҕан киһи буолан бу түүн дьону аймааммын игин диэн санаалар киирэн ылбыттара ээ. Кэнники толкуйдаатахпына кинилэр үлэлэрэ буоллаҕа, мин түүн оҕом куотуо диэн былааннаабатаҕым ээ, соруйан хара санааттан оннук гымматаҕым. Онтон кинилэр талан ылбыт идэлэрэ, үлэлиир үлэлэрэ. Того эрэ ким да чэ санааҕын түһэримэ өссө оҕолонуон, эдэргин, кытаат тулуй игин диэбэтэҕэ. Барыта бүппүтүн кэннэ палатабар илдьибиттэрэ онно мин дууһам кураанахсыйан, сүрэҕим таастыйан хаалбыт курдук буолбута. Сарсыҥҥы күнүгэр элбээх элбэх толкуйдар киирбиттэрэ, тугу сыыспыппыный? Того маннык буолла? Ханна сахсыллыбыппыный дуу? Хайдах харыстаммакка манныкка кэллим? Того наһаа күүппүт киһибин кыайан илдьэ сылдьыбатым? Кэргэммэр тута эппитим. Онтон сарсыардаттан дьэ саҕаланна ээ киһи бары эрийэн хайдах буолла? Туох буолла? Эрийэр ыйытар дьонтон ньиэрбэнэйдээн, телефоммун ылбакка киэһээҥҥэ диэри сууланан сыппытым. Манныкка киһиттэн, дьахтартан инник ыйытар наадата суох дии саныыбын барытын эргитэ эргитэ кэпсиир миэхэ ол түгэҥҥэ ыарахан этэ.