Убайым өлүүтэ: Кладбищеҕа сырыттыбыт, айаннаатыбыт, ытаатыбыт уонна балтыбын кытта кэпсэттибит

Чэ ити курдук куоракка онно манна ,наадаларбытынан сырыттыбыт. Аймахтарбытыгар иҥин. Ол гынан аны чаһы ыраатан хаалла киэһээ алта чаас буолла. Онтон продукталаан иҥин айаннатыбыт. Намҥа айаннаан тиийиэхпитигэр диэри уже киэһээ аҕыс аҥаар буолла. Ону киһим ыйытар хайа кладбищаҕа киирэҕин дуо диир. Ээ суох уже чаһы ыраатта буотта диибин. Халлаан борук, сорук. Чэ ити курдук кладбищаҕа сылдьыбатым. Онтон неделя курдук ааста быһылаах киһим дойдулуур күнэ тиийэн кэллэ. Үлэбиттэн баран көҥүллэттим киһибин куоракка атаарыахпын наада дойдулаата диэммин. Уонна киэһээ массыынаны бэйэм ыытан тахсыахтаахпын. Ол баран иһэн эмиэ чаайдыы диэн дьоммор таарыйдыбыт. Ийэм ону этэр биһиги куһаҕан сонуннаахпыт диэтэ ону мин туох ол диэтим. Били саас буолан ынах төрүүр бириэмэтэ дии тыа дьонугар. Уонна ол саҕана хотонноох этибит. Ону ийэбиттэн ээ ынаххыт оҕото куһаҕан буолта дуо диэтим. Ону ийэм суох диэтэ. Убайын сураҕа куһаҕан буолбут үһү диэтэ. Ону мин ханнык убайым диэтим. Мин быраатым диэн баран ытаан барда. Мин инниккэ тоҕо эрэ бастаан наһаа дьиибэтик реакциялыыбын. Эмискэ күлэн тоҕо бардым ону мужам көрөн соһуйан хаалла. Уонна көтөҕөн ылан терассаҕа таһаарда. Ийэлээх, аҕам эмиэ соһуйдулар быһылаах күлбүппэр. Онтон дьэ ол терассаҕа туран маралаччы ытаан бардым. Ийэм сүүрэн таҕыста киирин сыллыа , тымныы дии тэрээһэ диэтэ. Чэ онтон сымыаннан туймааран хаалбыт киһи курдук. Ол түүл, бит курдук тугу эрэ аһаабыта буоллум. Киһим өрүһү сатыы туоруохтаах ол иһин термоска чаай оҥостон кутунна иҥин уонна куораппытыгар айаннаатыбыт. Өрүс анараа өттүгэр убайа аах көрсүөхтээхтэр. Олох үөрэтии бөҕөтүн , үөрэттэ ол айаннаан истэхпитинэ. 60 км чаас айаннаар , 80 ылымаар диэн. Суол билигин халтараан иҥин диир быһылаах этэ. Ол быыһыгар сотору, сотору истэҕин дуо иҥин диир мин саҥарарбын. Аһаа истэбин ээ диэтим. Чэ онтон өрүскэ тиийдибит. Киһим атаҕын таҥаһын уларытынна. Хоссоох саппыкы кэттэ. Уонна сыллаан баран чэ эн айаннаа өр олорумаар диэтэ. Аа сөп кыратык эйиигин көрө түһүөм диэтим. Оннук чэ син өр соҕус олордум дэлби убайбын санаан ытаатым иҥин. Ол кэннэ чэ айаннаатым. Ол айаннаан истэхпинэ ийэм эрийэр эбит. Хайа сыллыа тоҕо наһаа өр буоллун ханна бааргыный диэтэ. Ээ куораттан саҥа айаннаан эрэбин диэтим. Кырдьык убайбыт үһү диэтэ. Үһүө буолан дьиэҕэ умайан хаалбыттар. Ол иһин били түүллэр хап- хара хоруоп көстүбүт эбит. Онтон ыла дьонум наар куттананнар тугу түһээтин диэн ыйытар буолтара. Дьэ ол курдук племянниктарым барахсаттар аҕата суох хаалтара. Эрдэ баҕайы. Убайым ситэ атахтарыгар туруорбакка баарта. Биэһэнин туолбакка да сылдьан 44 иҥин быһылаах этэ. Онтон дьэ хотуттан өлбүт киһини аҕалтарар. Аны экспертиза оҥотторор эмиэ биир моһуок эбит. Ол гынан чэ син ийэ сирин, төрөөбүт буорун булбута убайым барахсан. Ол кэннэ улахан кыыстарын бэйэбэр олордо ылбытым студенка этэ. Олох балтыбыт соҕотохсуппат , чууҥкуппат этибит. Барытыгар бары илдьэ сылдьарбыт. Балтым онно барабын , манна барабын диэтэҕинэ. Киһим олох саҥата суох таһар этэ. Хаччыннан иҥин көмөлөһөр этибит, таҥаннаран иҥин. Инник гынан син көмөлөһөн поддержкалаһан үөрэҕин бүтэртэрбиппит. Практикатыгар эмиэ биһиэхэ кээлтэ. Выпускнойун платьятын ылан биэртим. Уонна кыра да буоллар хаччылаан ыыппыппыт. Балтым барахсан үөрэн тахсар этэ. Дьиэ үлэтин барытын үлэлэһэр этэ биһиэхэ олорор бириэмэтигэр. Билигин да балтыбынаан эн, мин дэсэһэн олоробут. Ону сороҕор ол аҕатын санаан ылабыт. Барахсан баара буоллар маннык сылдьаһарбытын көрөн үөрүө этэ дии санаахтыыбыт. Бүтэһик да хаччыбын биэриэхпин сөп диэбит курдук