Тигэр дьарыгым: Оҕоҕо маллары бэйэм илиибинэн тигиибин, хайдах тиктэххэ?

Сөбүлүүр дьарыгым туһунан салҕыы суруйан иһиэм.🪡 Оҕо малын эрдэттэн кыра-кыралаан , сынньана-сынньана бэйэм тигэн саҕалаабытым. Үлэлэрбин үчүгэйдик хаартыскаҕа түһэрбэтэх эбиппин.🥲
🧵Бастаан олох чэпчэкиттэн, муслинтан араас кээмэйдээх пелёнкалары, соттор тикпитим. Ойуулаах муслины ордордум: өҥө-дьүһүнэ барбат, быһыытын сүтэрбэт, түргэнник куурар. Манна куорат маҕаһыыннарыгар арааһа элбэх, ол эрэн сыаната үрдүк соҕус. Мин мантан сакаастаабытым. ссылка , ссылка Кэнники туттуллан бүппүттэрин кэннэ оҕобор сайыҥҥы костюм тикпитим.👕🩳
🧵Элбэхтэ туттуллар пелёнка сыанатын маҕаһыыҥҥа көрөн баран арыычча соһуйбутум уонна өҥнөрүн сөбүлээбэтэҕим. Ол иһин wb материал сакаастаабытым: непромокаемая махра/мулетон ссылка уонна үчүгэй баҕайы ойуулаах сатин ссылка . Икки пелёнканы тикпитим, сыаната быдан чэпчэки буолан тахсыбыта. Билигин материаллар сыаналара ыараан хаалбыттар эбит.
🧵Оҕо оронугар простыня тикпитим бу видеоны көрөн. ссылка Педиатрдар резинкалаах простыняны ордук сүбэлииллэр этэ.
🧵Оҕо малын угарга таҥас корзинкалары, памперс угар суумка, мал-сал харайар сиэптэри лёнтан тикпитим. Ханна да мастер класс булбатаҕым, ол иһин быһа холоон бэйэм оҥорбутум, корзинкалары манныкка маарыннатан. ссылка
🧵Слюнявчиктары эмиэ бэйэм тикпитим таҥас ордугунан. ссылка
🧵Таҥас ордугунан держатели для пустышек эмиэ тигиэххэ сөп, хотуобайдар сыаналаах соҕус буолааччылар. Мас зажимнары эрэ атыыласпытым. ссылка
🧵Miadolla оонньуур тигэр набордарын олус сөбүлээтим. Көстүүтэ үчүгэй уонна киэптэрэ бэйэҕэр хаалар. Ол иһин киэби уларытан төһө баҕар араас оонньуур тигиэххэ сөп. ссылка
🧵Оҕом биркатын, браслеттарын, киинин, бастакы баттаҕын угарбар кыракый косметичка тикпитим. ссылка
🧵Флис пинеткалары сыаналаах дии санаабытым. Ол иһин ютубтан көрөммүн үтүктүбүтүм. ссылка
🧵Сайыҥҥы атах таҥаһын эмиэ тигэн көрбүтүм. ссылка
Күн аайы Pinterest көрөрбүн сөбүлүүбүн, онтон иэйии ылабын. Pinterest-ан үтүктэн тугу тикпиппин таһаара сатыаҕым. Баҕар биир эмит киһиэхэ туһалаах буолуоҕа.😊✨