- Лотереяҕа сүүйдүбүт! - "Өрөгөйгө" да?!

- Лотереяҕа сүүйдүбүт!

- "Өрөгөйгө" да?!

- Суох, "Викушаҕа"!😂👌🏼

Бу үйэҕэ тугу да сүүйбэтэх киһибин. Били барыта сүүйүүлээх, беспроигрышнай лотереяҕа жвачка, тараах иҥин сүүйэр дьон баар буолааччылар дии? Ол мин😂

Кэргэним да хаһан да тугу да сүүйэ илик, чэ, кини онно-манна мээнэ кыттыбат киһи. Иккиэн реалист баҕайы дьоннорбут, хаһан да туох эрэ халлаантан кэлэн түһэрин кэтэспэппит диэбит курдук🫡😂

Уолбун төрүү киириэм иннинэ, барытын эрдэттэн син ылбытым. Выпискаланар таҥаһы, аан маҥнай кэтэр кырачаан таҥастарын иҥин. Арай оронун ылбакка хаалбытым, эмиэ да сүрэҕэлдьээн, эмиэ да кыратык аньыырҕаан - төһө да итэҕэйбэтэргин, "Эрдэттэн тугу да ылыма" диэ да диэ буоллахтарына, итэҕэйэр курдуккун дии?

Чэ, төрөөтүм! Онтум шок-контент, 10 тарбах арыллыбыт киһини экстренно КС оҥордулар, ол соһуйуута-өмүрүүтэ буоллубут😱🥹 Кэргэним бииргэ төрөспүтэ, олох медбрат курдук буолла. Аны Саҥа дьыл үүннэ, маҕаһыыннар бары сабыллаары гыннылар, биһиги төрөөн-ууһаан мэскэйдэнэ сырыттахпытына🙈😂 Инньэ гынан, сабыллаары турдахтарына, паапабыт "Викушаҕа" дьуһуурустубатын быыһыгар ойон киирэн, орон атыылаһан тахсыбыта.

Били оҕо оронун от души талан ылыахтаах чүөчэ: "Ээ чэ, хайдах да буоллун, ыла оҕус, сабылла иликтэринэ" диэбитигэр, бүтэһик витриннай образеһы ылан тахсыбыт😂 Чэ, дьиэбитигэр таҕыстыбыт, бэттэх кэллибит. Саҥа олохпутугар үөрэнэ сылдьабыт, режим иҥин олохтуубут.

...Арай иллэрээ күн паапабытыгар эрийэн, "Викуша" Саҥа дьыллааҕы купонунан лотереятыгар сүрүн бирииһи - пеленальнай комод сүүйдүгүт диэн буолла! Биһиги соһуйуу-өмүрүү, үөрүү-көтүү😂👌🏼

Босхо кэлбити арыый сымнатар курдук, кыратык благотворительностька харчы ыыттыбыт. Чэ, уонна үөрдүбүт☺️ Хаһан да тугу да сүүйэ илик дьоҥҥо, соһуччу бэлэх буолла.

P.S. "Уолгутун посмотри!" дии-диибин, бэҕэһээ иэйиим киирэн, видео устан кээстим, интэриэһинэй буоллаҕына, Инстаграмҥа киирэн көрөөрүҥ😂👌🏼