"Ээ чэ, Саҥа дьыл сыл ахсын буолар" эбэтэр "Туох ааттаах ювелирно оҥоһуллубут оҕотой бу?"😂

Биһиги Саҥа дьылбыт сыл ахсын олох ыбылы бэрээдэк буолааччы. Харыйабыт ахсынньы 1 күнүгэр турааччы, менюбут олох эрдэттэн былаан, уопсай быһаарыныы, ырытыы, Саҥа дьыл буолуон аҕай иннинэ дьиэбитигэр бэйэбит фотосессия...

Ээ, быйыл олох мэлээриччи көрөн баран сылдьабыт😂 Олох на чилле, на расслабоне диэбит курдук. Били хаһан ыалдьан балыыһаҕа барарбыттан барыта тутулуктаах эбит.

Бэҕэһээ кыратык схваткам киирэн, аны пробкам кыралаан тахсар быһылаах, түүн үөһэ Медцентрга тиийэ сырыттыбыт. Хантан! Тиийээппин кытта, барыта ааһан хаалла буо, эбиитин эмэһэҕэ тэп диэбит курдук, схваткам сыта да суох🤷🏻‍♀️

Быраас көрөрүн кэтэһэ таарыйа, приемнай кыргыттарын кытта боруоста сэлэһии, күлүү-салыы, оҕо иитиитин ырытыһыы... Били субу төрөөрү гыммыт чүөчэлэрэ ханан да суох😂🤌🏼 КТГ, УЗИ аастым, быраас көрдө уонна дьиэлээтим.

Дьиҥэр "Киллэриэхпитин сөп, ол эрээри көрүдүөргэ" диэбиттэрин, аккаастанным. Медцентр көрүдүөрүгэр сытыахпынааҕар, дьиэбэр оттон королева курдук сыппытым ордук ини😂

Онон бүгүн бэйэм бырааспар сырыттым, дьон Саҥа дьылга бэлэмнэнэрин төлөппүөн нөҥүө астына көрдүм уонна сытабын. Оҕом миигиттэн ыйыппат буоллаҕа, хаһан тахсарын🤷🏻‍♀️😂

Онон морально бэлэмнэнэн, холкутаан хаалан баран, сылдьабын. Дьонум бэйэлэрэ ас астыахтара, дьиэлэрин дьаһайбыттара, харыйабыт турбута. Хата бэрт баҕайы эбит😂👌🏼

Роддомҥа Саҥа дьылы көрсөөрү сылдьар кыргыттарга улахан эҕэрдэ уонна санааҕытын түһэримэҥ❤️ Кэлин саныы сылдьарга да интэриэһинэй буолсу: Саҥа дьыл түүн ханна баар буолабын, роддомҥа дуу, дьиэбэр дуу?