Киһи эрэ үөрэ-көтө хат буолуох кэмэ эбэтэр кырдьаҕас ыаллар гендер-патилаабыппыт туһунан😂👌🏼

"Бу чүөчэ уопсайынан хантан күөрэйэн таҕыста?" диир буоллаххытына, үксүн Инстаҕа суруксуттааччыбын. Дьоҕус, ол эрээри наһаа үчүгэй аудиториялаахпын онно❤️ Ол эрэн, бэйэм курдук оҕо күүтэр киһи аҕыйах, инньэ гынан манна киирдим. Бэрт интэриэһинэй эбит👍🏼

"Атаҕастаатылар да төннүөҕүм🗣️" диэбитим Инстабар😂👌🏼Ким да атаҕастыы илик, хата олус үчүгэйдик көрүстүгүт😂🤌🏼

Билигин оҕолонорго наһаа үчүгэй кэм эбит диэн кэргэммин кытары соһуйа сылдьабыт. Биһиги, сахалар, ону-маны наһаа аньыырҕыыбыт дии, оһуоба саастаах өттө, били "Төрөөн баран биирдэ кэпсээр", "Тугу да эрдэ ылыма", "Тыын, тыыныма» диэбит курдук🤦🏻‍♀️😂

Ээ, ону биһиги сиргэ силлээн баран, сайын бүтүүтэ гендердаан кээспиппит. Астык эбит:

📍Иккис скриниҥҥа барарбар, кэмбиэрдээх тиийбитим. УЗИ бырааһыгар эрдэттэн этээйиккит диэн көрдөспүтүм;

📍Ол сытан аны этэбин: "Миэхэ этэн баран, кэмбиэргэ угаҕыт да?"🤦🏻‍♀️😂 Сатаан тулуйуом суоҕа диэн😂 Ону быраас этэр: "Ну вы не хулиганьте, бары бииргэ билэргит ордук";

📍Оҕо кыыһын-уолун билэргэ сыалай индустрия баар эбит дии, дьоҕус куораппытыгар. Федора Попова уулуссаҕа баар маҕаһыынтан өҥнөөх буруо уонна гирлянда, хоруопка иҥин ылбыппыт, шарик сакаастаабыппыт;

📍Дачабытыгар оҥорбуппут, чугас дьоммутун, дьүөгэлэрбин ыҥыран баран. Дьиктитэ диэн, ким да маннык бырааһынньыкка урут сылдьа илик этэ;

📍Эрдэттэн бэйэм видео устубутум, куоластаабыппыт уонна буруону уматар кэммитигэр, телефоммун штативка уурбутум. Дьон эмоциятын көрөр наһаа астык эбит😍 Инстабар баар;

📍Биһиги сааспытыгар уолугар-кыыһыгар наһаа наадыйбаккын, ким да буоллун, доруобай эрэ киһичээн кэллин диигин❤️;

📍Мин испэр олох кыыс дии саныыр этим. Күөх буруо тахсыбытыгар наһаа соһуйбутум уонна "Ээх, били Вайлдберриска сакаастаан кээспит оруосабай бэргэһэчээммин ылбат эбиппин" дии санаабытым🙈😂

📍Ол кэннэ аһаан-сиэн, ирэ-хоро кэпсэтэн, наһаа үчүгэй, истиҥ баҕайы бырааһынньык буолбута❤️

Онон ким эбит оҥорорун-оҥорботун толкуйдуу сылдьар буоллаҕына, хайаан да оҥорооруҥ диэн сүбэлиэм этэ☺️ Биһиги бары да астыммыппыт❤️