Жизнь и мысли

Санаабын үллэстиэхпин баҕарабын. Бэҕэһээ саамай күүтүүлээх, долгутуулаах күн этэ. 4 ыйы быһа үөрэммит үөрэхпин ситиһиилээхтик түмүктээбитим. Үөрбүт-көппүт мин буолуохтаах этим буоллаҕа ди? Тоҕо эрэ санааҕа ыллара сытабын бу кэлэн.

Үөрэнэрим тухары түүннэри утуйбакка үөрэнэрим, көмө бастакы ыйдарга суоҕа. Билэргит курдук эрдэ төрөппүт дьоммун сүтэрбитим, ийэм баара буоллар көмө аҕай буолуо этэ. Кэргэним өттүттэн хотуннаахпын. Үлэлиир игин буолан кини өттүттэн көмө суоҕа. Оннук 3 ый оҕолорбун кытары буккулла2 үөрэнэ сылдьыбытым. Кэргэним ол саҕана биир күн суткалыыр (мчс), үс күн сбермаркетка курьерыран үлэлиир, биһиги туспутугар сынньаммакка. Утуйа эрэ кэлэрин көрөрбүт. Ол да буоллар кинитттэн көмө наһаа да күүтэрим... Бэйэм 3-4ч утуйарым, сороҕор үргүччү сылдьааччым утуйбакка. Сорох күн кыра оҕолордоох сылдьан тоҕо үөрэнэн саҕалаабыппыныый диэн кэмсинэн ыларым. Ити курдук сылдьан дэриэбинэлиир эбиппин кэргэним дойдутугар диэн буоллум. Миэхэ көмө наһаа наада буолбута. 2 неделя үөрэхпэр хаала сытарым. Дойдутугар эдьиийэ олорор. Наһаа да көмөлөстүлэр кыыһынаан миэхэ. Ол да буоллар уһуннук компьютерга олорон үлэлиэххин наада этэ, ол иһин түүннэри олорорум тохтооботоҕо. Ол оннугар ас астаабаппын, иһит сууйбаппын, оҕолорум эрэ таҥастарын күн аайы сууйарым. Ол өттүнэн наһаа да сынньаммытым. Саамай хомойбутум диэн сайыны билбэккэ хааллым. Ханна эрэ баран сөтүелээбэтим, Сахабыт сирин кэрэ көстүүлээх сирдэрин көрбөтүм. Биир кэм оҕо үөрэх. Саатарын бу дэриэбинэҕэ олорон сир астыы тахсыбатым. Кэргэним үлэтин уларыппыта, түүн хойукка дылы үлэлээбэт, 6-ҕа үлэлээн бүтэр. Биһиги манна сыттахпытына табаарыстарын кытта күн аайы көрсөр. Ханна эрэ онно сылдьар буолар. Дуоһуйа сынньана сылдьар быһыыта. Бүгүн ыйыппыппар соҕотох дьиэҕэ тугу гына сытыахпыный диир. Оннук да буолуо...

Сылайбыппын аҕай. Соҕотох курдук сананабын.