Кэргэним хоьоон айар эбит дуо? Афанасий Петров хоьоонноро

Кэргэним хоьоон айар а5ай этэ, аахтахпына хайдах эрэ итэ5эйбэппин, Ама бу мин кэргэним суруйар дуо диэммин🥹

Мин эһиэхэ баар буолуом

Мин баар буолуом

Дьыл-кэм уларыйыытыгар,

Сыллар-хонуктар ааһалларыгар,

Эһиэхэ халыҥ хахха буолуом.

Мин баар буолуом

Кэнэҕэски ыччаттарым атахтарыгар туралларыгар,

Үчүгэйи-куһаганы арааралларыгар -

Эйиэхэ истиҥник махтаныам.

Мин баар буолуом

Олохпут араас очурдарыгар

Түһүү-тахсыы кэмигэр -

Эйиэхэ утары илиибин уунуом.

Мин баар буолуом

Үөрүү-хомолто быыһынан

Сэрэнэн дууһабын арыйан,

Кэннигиттэн оргууйдук кууһан ылыам.

Мин куруутун эһиэхэ баар буолуом…

@Афанасий Петров