Хаһан барыта оннугар туран бу ыарахан кэмим ааһа охсор.
Кубулҕаттаах кулун тутар ый биһиги олохпутугар бэйэтин тымныы тыалын, күүстээх тибиитин киллэрэн дууһабар, сүрэхпэр оспот баас хаалларда.
Аҕабыт, кэргэним дии саныы сылдьыбыт киһибит миигин, оҕолорун, кинилэр инникилэрин, туох баар дьоллоох олохпутун барытын биирдэ сарбыйан, таҥнаран кэбистэ.
Билигин дэриэбинэбит иһэ барыта хоп - сип, айдаан, ким эрэ миигин көмүскэһэр, ким эрэ өйдүүр, ким эрэ буруйдуур. Чэ мин онно наадыйбаппын, арай Таҥара барытын тэҥниэ турдаҕа...
Бу сиргэ кырдьык саамай сыаналаах дьиэ кэргэн эбит, доҕоттоор. Алдьатар наһаа түргэн, онтон оҥорор уустук.
Мин курдук түгэҥҥэ түбэспит кэрэ нарын кыыска, ийэҕэ баҕарабын күүстээх санааны, табыллыыны, ситиһиини. Билэбин, санааҕа наһаа ыарахан, ол эрэн сөптөөх кэмҥэ, наадалаах бириэмэҕэ дьылҕа биһиэхэ харахпытын арыйан, туох эрэ куһаҕантан хаххалаан, туох эрэ үчүгэйгэ тиэрдээри маннык тургутууну биэрбитэ буолуо дии саныыбын🫂🫂🫂 Барыта эн биһиэхэ табылыннын, сүрүнэ оҕолорбут дьоһун дьон буола улаатталлар☀️