Оҕону хайдах сахалыы саҥардабын?

(Хаартыскаларга бэйэбит кинигэлэрбит уонна хоһооннор)✨

Улахан уолум төрүөҕүттэн, ийэ тылбынан иитэр эбиппин диэн быһаарыммытым🙌🏻 ити боппуруос да быһыытынан турбатаҕа, буолуохтааҕын курдук этэ☺️

Биһиги дьиэ кэргэн оҕолорбутун сахалыы үөрэтэр сыалтан аҕыйах быраабыла оҥостубуппут:

1. Элбэхтик кэпсэт💬

Оҕо тугу интэриэһиргиирий ону одуулаан, кэпсэтэн иһэбит. "Бу тугуй? Мээчик хайдаҕый?" Дьүһүнүн, материалын, форматын, кытаанах/сымнаҕас, улахан/кыра, ньылаархай/хатыылаах(тэһэ кэйэр диэччим😅), түннүгүнэн таһырдьаны одуулубут: сырдык/хараҥа, күн/ый, ханнык массыына ааспытын уо.д.а.

Оҕо улаата түспүтүн кэннэ, чуолаан 2 сааһыттан, сюжетнай оонньуулары киллэрэбит🐻🦕🚗 биһиги оннук айылаах элбэх материалбыт суох, үксэ улахан уол фигуркалара, массыыналара, динозаврдара) оҕо бэйэтэ оонньото ыҥынар буоллаҕына хаһанда аккаастаммаппыт, саатар 5 мүн оонньоһобут🫶🏻

Биирдэ алҕас хозмаркеттан илиигэ кэтиллэр кус вехотка ылбытым уонна уолбун сууйа олорон астына дуоһуйа, кэпсэтиннэрэн оонньоотубут☺️ ол күнтэн ыла уолум суунарын наһаа да күүтэр буолбута, оннооҕор ол куһун илдьэ утуйар этэ🥹 сүрүн быраабылабыт: куспутунаан сахалыы эрэ кэпсэтэбит, кини атын тылы өйдөөбөт) Билигин кырам гиэнэ баҕа, ол онтутун эмиэ наһа сөбүлүүр) Суунар бириэмэлэригэр сыалай кукольный театр буолар🐸🐤 Фетртан илиигэ кэтиллэр куукулалардаахпыт буоллар наһаа да үчүгэй буолуо этэ😍 ол эрэн куруутун бириэмэ тиийбэт оннукка..

2. Көннөрөн ис💬

Билингв, икки тылынан саҥарар оҕолор, ардыгар буккуйан саҥараллар. Улахан уолум мин бырааттарым курдук "делайдыыр", "завязать гын" итинник саҥарар буолан хаалбыта биир сайын, ону мэлдьи көннөрөн иһээччим)

Тылы үөрэтии 100% практика, киһи күннээҕи опыта. Эн күн устата санаабатыҥ, туттубатыҥ - тыл умнуллан, симэлийэн барар. Мэйиибит оннук үлэлиир, наадата суоҕу элитэн кэбиһэр. "Ээ, бу киниэхэ наадата суох" диэн баран. Оҕоҕо ити процесс өссө түргэнник барар) төһөннөн оҕо элбэхтик хатылыыр, олоҕор туттар, соччоннон ол тыл нейроннай сибээһэ күүһүрэр, аныгыскыга ити тылы аан маҥнайгыннан саныаҕа) кэпсээним наһаа ыарахан буолаары гынна😂

3. Тыл эйгэтэ (языковая среда)

Оҕону тыл эйгэтигэр киллэриэххэ наада: чугас дьоҥҥут, кинигэлэр, контент, музыка уо.д.а. көмөтүнэн 🎵 Дьоммутун сэрэтэбит сахалыы кэпсэтиҥ диэн) Тастыҥ эбээлэр эһээлэр мэлдьи нуччалыы кэпсэтэ сатааччылар, привычка буолара дуу..

Сахалыы кинигэни онтон-мантан хомуһа сатыыбыт, кэпсэтэбит📚

Сахалыы мультиктары көрөбүт: Тооку, Турбозавры, Кырачааннар, Үс куоска..

Утуйалларыгар ырыа ыллаачым "Ийэҕэ махтал", "Төрөөбүт алааскын эн таптаа", "Түүҥҥү ырыа"🥹 оҕолонуохпар диэри сахалыы ырыа диэни отой ылыммат этим)

Хоһоон үөрэтээһинэ эмиэ элбэҕи эбэр дии саныыбын. Улахан уол үһүттэн кыра кыралаан хоһоон үөрэтэр этэ. "Таба сиэлэн кэллэ" диэни "Таба сиэбит бөрөнү" дии-дии да буоллар😂

«Олбуор олохтоохторо» 1998с. кинигэ, бэйэм гиэнэ🥹 ити хоһооннору кыыллар карточкаларын тутан олорон ааҕааччым) электроннай версията ссылка 😍

Оттон эһиги хайдах үөрэтэҕитий? Туох сүбэ-ама биэриэххитин сөбүй? Санааҕытын үллэстиҥ❤️

Ким эмэ интэриэһиргээтэҕинэ салҕыытын суруйуом🫶🏻