Өмірлік сынақтарда жаныңды таза ұста, қателіктерді кешіре біл! 25.11.2022

Осы өлең жолдарын қиын жағдайда жүрген әр тұлғаға арнаймын. Ертең сенің де жолыңа күннің шуақтары түсер.Осыны есте сақта.

(Бұл өлең жолдары үй шаруасымен айналысып жатқан сәтте келді.Еш түзетпей тез жазып шықтым).

Жан қуаты❤️

Неге, не үшін деген сұрақтар мазалайды адамды,

Адам болып жаралған соң, тазалықта ұста

санаңды.

Өтсең өмірлік сынақтан, сыйлар жақсы күндерді де Жаратқан!

Жағдайын қиын болып көрінер,

Уақыт өтер,жылағаның болар кейін бекер.

Тірі жан бар ма қателік жасамаған?

Кешіру қажет, өзгерту керек мінезімізді.

Бір -бірін бар ма адам алдамаған?

Өзгені алдасақ та, алдай алмаспыз өзімізді.

Ескінің парағын жауып тастап,

Армандарға жол ашарсың.

Бәрін жаңадан бастап,

Жамандықтан қашарсың.

Өкінбе өткен күндер мен түндерге,

Өзіңді ойла, өзіңді сыйла әрқашан,

Басыңды көтер, өкінбе өтіп кеткен сәттерге.

Мұңайып жүрме сен ешқашан.

Бұл өмір жалындырмасын, жылатпасын,

Қиындықтан өтерсің де, жеңерсің.

Жан қуатың болса бойыңда,

Жарқырап шыға келерсің!

25.11.2022ж.