Что происходит в голове у ребёнка?

Эһиги оҕолоргут урукку олохторун кэпсииллэр, кэпсиир этилэр ду?

Мин уолум кэлиҥ наар урукку олоҕун туһунан кэпсиир курдук гынар.

Биир сарсыарда миэхэ кэллэ уонна эттэ, "ийээ, миигин аҕа кыыс дии санаабыта дии, онтон көрбүтэ уонна ээ уол эбит дуу диэн соһуйбута" диир. Ону хаһаан инник диэбитэй диибин, ону урут этэ диир. Онтон эттэ "ийээ, биһиги атын дьиэлээх этибит дии? Мин бэйэм хостоох этим" диэтэ. Соһуйдум, но улахаҥҥа уурбатым.

Онтон аҕыйах хонуктааҕыта аһыы олорон телевизор көрө олордубут, онно сэриилээх киинэ рекламата кэллэ, уолум көрөн олорон эттэ "ийээ, мин сэриигэ барбытым, уонна онно өлбүтүм. Мин сэриигэ бардым ийээ, пока диэбитим, ону эн миигин кытта покааласпатаҕын дии ийээ" диэн баран мин диэки көрөн бистэ. Олох хом санаатын этэр курдук көрдө, уонна ол урут этэ, аны кэлэн тоҕо аахсыахпыный диэбиттии оҕолуу холкутук олорон эрэ дальше кэпсээтэ - "Онтон төттөрү киирбитим уонна мин бардым пока диэбитим уонна -Мин сэриигэ бардым ийээ, төттөрү кэлбэппин, онно өлүөҕүм, уонна эйиэхэ төттөрү төрүөҕүм бастакынан диэбитим уонна тахсан барбытым" диэн эбэн биэрдэ. Наһаа дьикти, ону туоһуластым, хаһаан диэн, ону эрдэ диэтэ.

Уонна дальше кэпсээтэ "Мин барбытым, Дьулуур эмиэ барбыта, привет Дьулуур диэбитим. Онно биһиги Дьулуурдуун сэриигэ барбыппыт, онно куһаҕан дьону туппуппут уонна өлөрбүппүт, онтон биһигини гранатанан бырахпыттара, эстибитэ уонна биһиги өлбүппүт" диир.

Хаһаан этэй ол диэн хос ыйыттым, ону эрдэ этэ диир. Урут диир. Ону ыйытабын онно улахан этин ду, кыра этин ду диэн, ону улахан этим диир.

Баще куһаҕан буолабын итинник ону маны туойан бардаҕына😰 Дьулуур диэн убайым оҕото.

Кэргэммэр кэпсээбиппин, оказывается киниэхэ эмиэ кэпсиир эбит инник диэн.

Не знаю, может это просто детская фантазия, но чё то слишком бурная.