Աղջկաս❤ Հիմա, երբ գրում եմ քեզ այս նամակը, դու քնած ես քո սենյակում: 20 տարի անց այս ժամին երեւի ընկերներիդ հետ որեւէ…

Աղջկաս❤

Հիմա, երբ գրում եմ քեզ այս նամակը, դու քնած ես քո սենյակում: 20 տարի անց այս ժամին երեւի ընկերներիդ հետ որեւէ թատրոնում կամ սրճարանում լինես, կամ էլ սիրելիիդ հետ զբոսնելիս, ու ես ժամացույցին անհանգիստ նայելով երանի տամ այսօրվան, երբ երկար ըմբոստանալուց հետո վերջապես քնեցիր: Հենց այդ ժամանակ, երբ քեզ կթվա, որ մեր կարիքն էլ չունես, ու մեզ էլ կթվա, թե մոռացել ես «ծերուկներիդ», կուզեմ կարդաս այս նամակը` միամտորեն հուսալով, որ այն կօգնի քեզ ավելի ճիշտ անցնել ճամփաներն ու ավելի լավ հասկանալ մեզ` ծնողներիս:

Պապիկների և տատիկների սիրելի թոռնիկն ես,ու բոլորը քեզ հետ հույսեր են կապում.Ես բոլորին վստահեցնում եմ որ 20-տարի անց դու պարելու ես լավագույն բեմերում ու ես հպարտանալու եմ,քո նվաճած բոլոր մրցանակներով🙏🏼20 տարի անց, երբ կարդաս այս տողերը, գուցե բոլորովին այլ ուղի ես ընտրել. գուցե... Կարեւորը, հիշի՛ր, հաստատուն եղիր քո որոշումներում ու դեռ մանկուց աչքի ընկնող համառությունդ շաղախիր սիրելիներիդ բարի խորհուրդների հետ, բայց մի՛ հրաժարվիր քո երազներից ու ծրագրերից: Պայքարի՛ր քո ներսի անընհնազանդի հետ, բայց ոչ թե նրան ընկճելու համար, այլ ավելի լավը դարձնելու: Մեր խիղճն անգամ պետք ունի ավելի լավը լինելու:Խոստացիր որ 20 տարի անց Հայրիկին ու Մայրիկին զարմացնելու ես քո մարդ տեսակով,ուզում եմ եզակի մարդկանցից լինես ու վստահ եմ դու մեզ զարմացնելու ես քո արած գործով..

Քանի դեռ փոքրիկ ես խոստանում եմ միշտ լինել կողքիդ ձեռքդ բռնած միշտ քեզ վերև մղել ու հասցնել քեզ քո բոլոր նպատակներին..Հպարտանալու եմ քեզնով վստահ եմ ...Դու իմ ուրիշն ես ❤