Как Шашы проявляла заботу о своих близких?
Шаңырақ иесі – отағасымен қандай қарым-қатынас жасап, азаматыңды қалай сыйлаудың қарапайым ережесін анам үйретіп еді. Ол кісі мен тұрмысқа шығардың алдында оңаша отырғызып:
– Қарашығым, сен өзге босағаны аттап, бір қазанға ие болатын жаңа өмір бастағалы отырсың. Бұрынғылар: "Үйдің құты да, жұты да – әйел, еркекті зор ететін де, қор ететін де – әйел",– деген екен. Үйіңді құтханаға айналдырып отыңды лаулата жағасың ба, түтіндетіп бықсытып қоясың ба – ол саған байланысты. Ең алдымен, қарапайым әйелдік міндеттен – қамқорлықтан баста. Ол не десең – күйеуіңнің тамағы дәмді, киімі таза, айналасы жинақы болсын. "Ерте тұрған әйелдің бір ісі артық" дейді, бозала таңның бозторғайындай ерте оян, жұбайыңнан бұрын тұр. Шашың тараулы, бетің күтімді болсын. Алла Тағала әйелге ана болу бақытын сыйлаған, ал еркекке сол ананың баласы болу жазылған. Сондықтан ол қандай жасқа келсе де, ананың алақан жылуын аңсайды, сырттай білдірмегенімен ықылас-мейірімді қажетсініп тұрады. Сен азаматыңа қарындасындай қамқор, әпкесіндей сүйеніш, анасындай аялап, әжесіндей ақылшы бол. Аса бір иіс алмас топас болмаса, ол да сенің қадіріңе жетіп ардақтайды,– деп еді.
// Зейнеп Ахметова. "Теңбіл тіршілік" кітабынан үзінді
🌺·
Мама четверых детей
Кандай керемет создер
Каусар·
Мама дочки (1 год)
Қайдам қазіргі еркектер қадірлемейді ештеңені….