Жақын құрбымның ұсынуымен ақын, айтыскер Жандарбек Бұлғақтың 'Soz менеджменті' кiтабын оқығанымнан:

Кез-келген нәрседе реттiлiк пен жүйе керек.

1. Шынайы болыңыз - ол үшін iшкi жан дүниеңiздi ретке келтіріңіз

2. Тыңдаушыны досыңыздай көрiңiз. Егер аудиторияға (аудитория 1 адамнан да тұруы мүмкін) достық пейіл көрсетсеңіз, олар да соны сiзге қайтаратынын ескерiңiз. Дос сияқты көрінбеңiз, болыңыз

3. Диалог құра білiңiз. Монолог тыңдау достарыңызға қызықсыз болар еді

4. Пайдалы сөз сөйлеңіз

5. Оқиға айтыңыз

6. Ерекше болыңыз

7. Өзіңiздi төмендетпеңiз

8. Жұмсақ болыңыз

Бір адам жайлы жақсы сөз айта алмасаңыз, мүлдем ештеңе айтпай-ақ қойыңыз

Сөйлесуге дейiнгi дайындыққа қаншалықты мән берсеңіз, ел алдындағы абыройыңыз да соншалықты қалыптасады.

Ораторлық өнердің негізгі миссиясы: керемет сөйлеу емес, қандай да бір сөз арқылы бiр icтi жүзеге асыру.

Қонақ күту iciне араласпаған, мағыналы ақ бата, өнегелі өсиет тыңдап көрмеген ұрпақ диплом алып, ел ісіне араласқан кезде айтқаны өтпейтін, атқаны тимейтін буын болып қалыптасады.

Сол себепті баланы кiшкентайынан:

- қонақ күту iciне араластыру

- қонаққа қызмет көрсетуге үйрету

- қонақтардың жақсы әңгімесін тыңдап өссiн

Әрбір сөзiңiз бен ic-қимылыңыз тағдырыңызға әсер ететінiн ұмытпаңыз (тек мына өмірде емес, ақыреттегі де)

Сөйлеу барысындағы дайындық:

1. Мен не айтып тұрмын?

Мазмұны мен пайдасы

2. Мен қалай айтып тұрмын?

Дауыс пен дикция

3. Мен өзімді қалай ұстап тұрмын?

қимыл-қозғалыс, мимика-эмоция, әрекет

Сонымен қатар кiтапта бата, тiлектi қалай айту, адамдармен аудиторияда жұмыс істегенде қандай сөздер айтпаған дұрыс, дикция, дауысты дұрыстауға көмектесетін тиімді жаттығулар берiлген. Өз басыма пайдалы кiтап болды