Մեր մտքերը ձևավորում են մեր կյանքը: Սա այն հիմքն էր, որի վրա ես սկսեցի կառուցել հետագա կյանքս: Ես հասկացա, որ այն, ինչ մեր մտքերում է, ժամանակի ընթացքում իրականություն է դառնում: Եվ կարևոր չէ, թե մեր մտքերում լավն է, թե վատը, միևնույնն է, դա իրականություն է դառնալու: Եթե մենք ներքուստ դժգոհ ենք, անընդհատ ինչ–որ բանից բողոքում ենք, համարում ենք, որ կյանքը մեր հանդեպ անարդար է գտնվել, ապա միշտ էլ կլինեն պատճառներ, որ մենք դժգոհ լինենք, բողոքենք, և կյանքը միշտ էլ մեր հանդեպ անարդար կլինի: Հետևաբար, մեր մտքերում մենք պետք է պահենք միայն այն, ինչ ուզում ենք ստանալ կյանքից: