Улахан кыыспын хат сылдьабын. 21 саастаахпын. Тугу да билбэппин. Кэргэним испин куруутун имэрийэр, кэпсэтэр.

Улахан кыыспын хат сылдьабын. 21 саастаахпын. Тугу да билбэппин. Кэргэним испин куруутун имэрийэр, кэпсэтэр.

Киэһэ аайы:"Привеет! Биһиги эйигин күүтэбит, таптыыбыт!" диэн араастаан тапталын биллэрэр. Мин онно улаханнык өйдөөбөккө, көннөрү кэргэммин үтүктэн эмиэ кэпсэтэ, имэрийэ сатыыбын.

Билигин кэлэн өйдүүбүн инник гынар тоҕо наадатын.

Оҕону итинник гынан олоххо угуйаҕын. Манна үчүгэй, эйигин күүтэбит, таптыыбыт диэн биллэрэн. Оччоҕо оҕо олоххо тардыһыыта Искэ баар эрдэҕиттэн күүһүрэр эбит.

Аны оҕобут төрөөтө. Кэргэним оҕотун кытта куруутун кэпсэт да кэпсэт буолар. Таһырдьа күүлэйдии таҕыстылар, барытын быһааран иһэр: "Күн тыкпыт. Хаар ууллан эрэр. Чыычаахтар ыллыыллар. Ол аата саас буолбут".

Барытын быһаара, тоҕо инник буоларын, хайдах буолуон сөбүн, туох тулалыырын, хайдах кэлбитин кэпсии сылдьар. Билигин эмиэ.

Онно соһуйар этим, тоҕо да бу саҥа төрөөбүт, аҕыйах ыйдаах оҕону кытта кэпсэтиэххэ сөбүй диэн.

Билигин санаатахха ол оҕоҕо :

* Тулалыыр эйгэҕэ эрэниэххэ сөп

* Тулалыыр эйгэни үөрэтиэххэ сөп, интэриэһинэй

* Уонна туох барыта бэйэтэ-бэйэтин кытта тутулуктаах. Туох да мээнэттэн кэлбэт диэн өйдөбүллэри үөскэтэр эбит.

Итини барытын психотерапия ааһар кэммэр кэтээн көрөбүн уонна үллэстэбин. Дьиҥэ наһаа инник буолбатах этим бэйэм😄

Онон оҕо күүтэр буоллаххытына хайаан да олоххо угуйуҥ. Тапталгытынан тута бигээҥ төһө кыалларынан ❤️

Ол оҕоҕо олус элбэх күүс биэрэр эбит🙏🏻