Бұл өмірде өзіңіз еліктеп ұқсағыңыз келетін адам іздесеңіз, Мұхаммед пайғамбарымыздан (с.а.у.) артық…

Бұл өмірде өзіңіз еліктеп ұқсағыңыз келетін адам іздесеңіз, Мұхаммед пайғамбарымыздан (с.а.у.) артық адам таба алмайсыз.

Барлық пайғамбарлардың соңғысы қандай еді?

🌹 Алла Елшісі адам баласы ішіндегі ең ардақты, мәртебесі ең биігі, ең қадірлі тұлға.

🙏 Пайғамбарымыз (с.а.у) Аллаға көп жалбарынып, дұға жасап, өзін ең жақсы мінездермен, ең ұлы әдептермен безендіруін сұрайтын. Алла Тағала өзінің “Маған жалбарыныңдар!Тілектеріңді қабылдаймын” (Мумин,60) деген сөзіне сай Пайғамбарымыздың (с.а.у) дұғасын қабыл етті. Сөйтіп оған Құранды түсіріп, Құранмен тәрбиеледі.

💎 Алла Елшісі адамдардың ең сыпайысы, ең батыры, ең әділеттісі еді.

🐑 Ол адамдардың ең жомарты, ең кеңпейілі еді. Өзіне ештеңе алып қалмай барлығын тарататын. Егер бірнәрсе сұралатын болса, міндетті түрде беретін. Бірде бір кісі келіп сұрағанда екі тау арасын толтыратын қой отарын беріп жібереді. Ол кісі өзінің қауымына барып: “Исламды қабылдаңдар! Себебі, Мұхаммед (с.а.у.) кедейліктен қорықпай бере алады” дейді.

👪 Отбасының тіршілігіне көмектесетін. Аяқ киімін жөндейтін, киімін жамайтын. Әйелдерімен жарысып ойнайтын.

🌻 Құлдың да, азат кісінің де шақырғанына баратын.

😖 Раббысы үшін ашуланатын, өз нәпсісі үшін ашуланбайтын.

😊 Адамдардың ең көп күлімсіреп жүретіні еді. Ешбір дүниелік іс оны қорқыта алмайтын.

🌼 Хош иісті жақсы көретін, жаман иісті жақтырмайтын.

😀 Әзілдейтін, бірақ шындықтан басқаны айтпайтын. Күлетін, қатты дауыстамайтын.

☺ Өзіне қатты дауыс көтергендерге сабыр ететін.

👷 Кедейлігі мен нашарлығына байланысты ешбір кедейді қор көрмейтін. Ешбір патшаға патшалығы үшін жағынбайтын. Патшаны да, кедейді де бір Алланың дініне шақыратын.

🙌 Ешбір әйелге не қызметшіге, тіпті қарсы жауларына да бірді-бір лағынет айтпаған. Соғыста жүрген кезінде оған:

-Уа, Алланың Елшісі, бұларға Алладан лағынет тілесеңіз қайтеді?- делінеді. Сонда Пайғамбарымыз (с.а.у) :

- Мен рақым, мейірім ретінде ғана жіберілгенмін. Лағынеттеуші ретінде жіберілмедім,-дейді.

Одан бір мұсылманға не кәпірлердің жалпысына не жеке біріне қарсы теріс дұға жасауын өтінсе, Алла Елшісі сол кісінің жақсылығын тілеп дұға жасап жіберетін.

💎 Үйге кірген адамға құрмет көрсететін. Оны іздеп келген адам өзін ол үшін ең құрметті адам екенмін деп ойлайтын еді.

Алла Тағала: “Сен оларға Алланың мейірімі арқасында жұмсақтық таныттың. Егер тұрпайы, қатал жүректі болғаныңда, әрине олар маңайыңнан тарқап кетер еді” (Әли Имран, 159) дейді.

😊 Ол ашулануы ең қиын, разы болуы ең оңай адам еді.

😶 Алла Елшісі айтқысы келгенін аз сөзбен жеткізетін. Көбіне үнсіз жүретін, қажет болмайынша сөйлемейтін.

🍀 Жақсы сөз айтпаған адамнан теріс бұрылатын.

❤ Басына бір іс түссе Аллаға тапсыратын және күш, амалдың барлығынан ада екенін мойындайтын.