Что скрывается за пустотой текста?

Կգա մի օր` կհասկանաս,
Որ ապրելուց ուշացել ես,
Կյանքն անցել է հենց քո կողքով,
Իսկ դու կանգնած նույն կանգառում`
Քո ապրելը մոռացել ես,
Միշտ մնալով քո անցյալում,
Ներկադ` բախտի կամքին թողած,
Ապագայից վախեցել ես....
Օրը կգա,
Քո տարիքը քեզ կհուշի,
Որ ժամանակն անտեսել ես,
Մի'շտ կարծելով կհասցնես
Դու դեռ ապրել հե'նց քեզ համար....
Ու եղել ես այնքա՜ն համառ,
Որ քեզ տված ամեն խորհուրդ
Լո՜ւռ լսել ես, բայց շարունակ
Դու ապրել ես այլոց համար,
Քեզ խնայել թերացել ես....
Կհասկանաս, որ քո կողքին
Էլ չե'ն լինի անգամ նրանք,
Ում սեփական կյանքի գնով
Կյանք ես տվել....
Կգա մի օր....

...Աննա Հովհաննիսյան..