Вай -м кхера 1емина

Массо а х1уманах:

Мохк баларх,дарц даларх,

Ша тохарх,т1о тохарх,

Малх лацарх,бутт лацарх,

Мохк а ткъа бегорах,

Помдорех ,наьрсех а,

Китайцо кхиочу,

Аьн долчух,хин долчух,

Хадиштан "талламех",

Д1аьвшечу юучух,

Баьржинчу текхаргех,

Бехачу меттанех,

Къизачу та1зарех...

Вай кхоьру,амма и

Ца кхоьручо к1ез-к1езиг д1овш детташ...

Вайн дегнаш талхошду,

Марзонаш къахъеш ю...

Вай кхера оьшуш дерг-

Ийманах вай дохар,

Вай кхера оьшуш дерг-

Буоберан догдохор,

Вай кхера оьшуш дерг-

Шалха мотт лелабар,

Вай кхера оьшуш дерг-

Нехан хьакъ вай даар,

Вай кхера оьшуш дерг-

Дихкинарг къобалдар,

Вай кхера оьшуш дерг-

Цхьа Делан оьг1азло...

Вон доцуш дика дац,

Дика доцуш вон а дац...

Цкъа дина наноша,

Цкъа бен ткъа лийриг дац...

Делах бен вай кхера

Дуьненчохь оьшуш дац.

Лен воцург веъна вац

Хьеша и латта а.

Уьш кхера безар бу-

Шалха мотт лебинарш,

Шалхонаш лелийнарш...

Хьурмат В.Татаева (Эскиева)