Менің босану тариxым!!!

Болжамалы босану күнін 9.03.2014 деп белгіледі. Бірақ тұңғышым дүниеге келуге еш асықпады. Жақындарымыз түрлі әдістер мен ырымдарды жасандар дейтін (олар басқа қалада тұратын) : түйе жүнін жандырып, түтінін иіске, шұбат іш, еден жу, көрпеге салып тербету( мұнда оң ба? Оң!- деп айту керек) және әрине жыныстық қатынас☺️. Бұл әдістердің ешқайсысы көмегін тигізе қойған жоқ. 42 аптаға 2 күн қалғанда гинекологым қылқынып жолдаманды алып кетіп ертерек босан деп ұрыса бастады. Онысымен қоймай ұлым ірі болды, ал менің комплектациям кіші. Сол себепті, егер асқынулар болса кесеревога аламыз деп ескертті.

Бұл кезең біздің отбасы үшін онсыз да оңай уақыт емес еді ( ене-мамам қатерлі ісікпен ауырып, 18 наурызда операциясы жасалуы тиіс еді). Өзіміз жалдамалы пәтерде тұрамыз, қожайынымыз мейрам күндері банк жұмыс жасамайды, сол үшін ақысын ертерек төлеуді талап етті. Айдын ортасы, айлықтың түсуіне 2 апта уақыт бар, жолдасымның досы қарызға алған ақшамызды қайтара алмай жатты. Ал менде операция болуы мүмкін. Шымкенттің тумасы, мен үшін дәрігерлерге ақша дайындамай босануға бару үлкен риск болды😳.

Аллаға шүкір 18 наурыз мамамызға сәтті операция жасалды!

Пәтердің ақысын қайын атам төлеп берді.

Жолдасым 35 мың тауып әкелді. Сөйтіп 19 наурыз кешкісін жолдамамды алдым. Кештің кезі болған соң таңертең барамыз деп шештік ( мен әлі де өз толғағым басталып қалар деп үміттеніп қоямын🙂). Жолдасыма таңертең жұмыс, жаныма оның дос баласын ертіп босану үйіне келдім.

Қабылдады, плацента ескіріп кеткен! Қайда жүрсін!- деген ұрысты естіп алдым😜. Толғақ шақыртушы таблетканы сағат 11де, содан соң 18:00де қынапқа қойды.

Ретті және ауыр толғақ 6-дан соң басталды, маған xабарласқандардың ешқайсысының қоңырауына жауап беруге шамам болмады ( жауап бермегенім үшін, мені барлығы операцияда деп ойлапты)😄. Сағат 8-де суым кетті, акушерді іздесем ол жоқ, кешкі асын ішіп жатқан-ау шамасы. 1 сағаттан соң келіп қарады да, дереу босану бөліміне көтерді. Серіктесіме әрең смс жазып үлгердім.

21:30да құрбым келді, шарикте секірдім, кушетканы тістедім🙈, күшенуге кезек келгенде әбден әлсіреп қалдым, күні бойы тамақ ішпедім ғой😥.

23:15те бар күш-жігерімді жинап тұла бойы тұңғышымды босандым! Сыртқы жыртылу, аздаған қан кету болды. Бірақ, мұның барлығы ұлымды көкірегіме қойғанда бірден ұмытылды.

Босандырған дәрігер де, акушер де, кіші мейірбике де жақсы босануыма, ең бастысы өзімнің босануыма бар күш-қайраттарын жұмсады.

Ұлымның кіндігін құрбым кесіп, кіндік шешесі атанды.

Осылай барлығы сәтті аяқталды! Аллаға дән ризамын!

Соңына дейін оқығандарыңыз үшін раxмет😘😘😘!