Ассаламу алейкум!

Әйел баласының толғағын жеңілдетіп, оңай босану үшін оқылатын дұға бар ма?

Уа алейкум ассалам!

Аяғы ауыр әйел немесе болашақ ананың күйеуі және басқа да тумалары Құран және хадисте келтірілген зиянкестен құтылуға арналған дұғаларды оқуына болады. Әрине, мұның барлығы арнайы медициналық шараларды мұқият орындаумен және дәрігерлік талаптарды қадағалаумен қатар болуы шарт. Осы тақырыпқа қатысты белгілі дұғалардың бірерін айта өтейік.

1. Аятул Курси.

Транскрипциясы: «Аллаһу лә иләһә иллә һууәл хәййул қаййуум. Лә тә'хуз̃уһу синәтуу уәлә нәум. Ләһу мә фиис сәмәуәти уәмә фиил әрд.Мән з̃әл ләз̃ии йәшфәъу ъиндәһу иллә бииз̃ниһ. Йәъләму мә бәйнә әйдииһим уәмә халфәһум. Уәлә йухиитуунә бишәйим мин ъилмиһи иллә бимә шә. Уәсиъа курсиййуһус сәмәуәти уәләрда. Уәлә йәуудуһу хифзуһумә. Уәһууәл ъалиййул ъазиим»

Аудармасы: «Алла Тағала, Одан басқа еш тәңір жоқ. Ол тірі, толық меңгеріп тұрушы, Ол қалғымайды да ұйықтамайды. Көктердегі және жердегі нәрселер Оған тән. Оның құзырында Өзінің рұқсатынсыз кім шапағат етеді? Олардың алдарындағыны да, арттарындағыны да біледі. Олар, Оның қалауынан басқа еш нәрсе білмейді. Оның күрсісі (білімі) көктер мен жерді сыйдырады. Оған, ол екеуін қорғау ауыр келмейді. Және Ол өте биік, аса зор[1]».

2. Ағраф сүресінің аяты.

Транскрипциясы: «Иннә Раббәкумуллаһул ләз̃ии халәқас сәмәуәти уәләрда фии ситтәти әййәмин с̃уммә стәуә ъаләл ъарши йуғшиил ләйлән нәһәрә йәтлубуһу хәс̃иис̃әу уәшшәмсә уәлқамәрә уәннужуумә мусәххарәтин биәмриһ. Әлә ләһул халқу уәләмр. Тәбәрәкаллаһу раббул ъаләмиин»

Аудармасы: «Күдіксіз Раббыларың Алла, көктер мен жерді алты күнде жаратқан. Сонан кейін ғаршыны меңгерген. Бірін-бірі қуалап, күндізді бүркеген түнді және күн мен айды, жұлдыздарды да әміріне бағындырған. Сақ болыңдар! Жарату және бұйрық беру Оған тән. Өте жоғары Алла, бүкіл әлемнің Раббы[2]».