Якутские имена для детей: история нашей семьи

Биһиги дьиэ кэргэн ааттарын аптаах историята уонна кистэлэҥ суолтата 🤍

Дьиэ кэргэммитигэр барыбыт аата дьиҥнээх сахалыы уонна дириҥ суолталаах. Аҕабыт Чаҕыл, мин Кэскилээнэ, фамилиябыт эмиэ ураты сахалыы фамилия. Онон оҕолорбут ааттарын ураты күүстээх, харысхаллаах аат буолуохтаахтарын тута билэр этибит. Хас биирдии оҕобут аата бэйэтэ туспа дьикти историялаах уонна суолталаах буолан таҕыста:

🌸 Биһиги Ньургуһуммут — ийэ сүрэҕин талыыта

Дьиэ кэргэммитигэр: «Кыыс оҕо аатын ийэтэ талар» — диэн быһаарыныы баара. Мин бастакы оҕобут өссө испэр сырыттагына, күн сирин көрө илигинэ элбэх ааты талан көрбүтүм. Уонна сүрэхпитигэр тута Ньургуһун диэн аат иҥэн хаалбыта.

* ✨ Аатын суолтата: Ньургуһун — саас саамай бастакынан, хаар анныттан тыллан тахсар кэрэ, нарын сибэкки. Кини намчы бэйэлээх, ол гынан баран олох кытаанах усулуобуйатыгар бэриммэт ураты тулуурдаах уонна ис күүстээх.

* 🌱 Кини биһиэхэ маҥнайгы оҕо, икки өттүбүтүттэн саамай маҥнайгы сиэн буолан, саас күн сирин көрбүтэ. Кини биһиги дьиэ кэргэммит маҥнайгы сааһа, саамай кэрэ сибэккитэ буолар!

💎 Биһиги Манчаарыбыт — аатын бэйэтэ талыммыта

Уол оҕолоннохпутуна аатын хайаан да аҕата талыахтаах диэн буолбута. Аҕабыт уруккуттан: «Уолланнахпытына аата Манчаары буолуоҕа», — диэн этэрэ. Ол эрээри уолбут төрөөбүтүн кэннэ вариант элбээн хаалан, арыый мунаахсыйбыппыт. Ол иһин роддомтан тахсан баран, үс араас ааты кумааҕыга суруйан баран уолбутугар уонна кыыспытыгар талларбыппыт. Иккиэн биир уонна тэҥ, Манчаары диэн ааты хостоон таһаарбыттара!🥰

* ✨ Аатын суолтата: Манчаары — күүстээх эр санааны, хорсун быһыыны, кырдьыгы уонна көҥүлү бэлиэтиир аат. Ону тэҥэ «манчаары» диэн ууга үүнэр, туохха да бэриммэт, силистээх-мутуктаах кытаанах уонна үйэлээх от аата. Уолбут дьиҥнээх эр бэрдэ, дьиэ кэргэммит эрэлэ уонна тирэҕэ!

Биһиги ааттарбыт (Чаҕыл, Кэскилээнэ, Ньургуһун, Манчаары) бэйэ-бэйэлэрин ситэрсэн, дьиҥнээх саха ураты эйгэтин тэрийэллэр. Бу ааттар кинилэргэ улахан харысхал уонна күүс буолалларыгар эрэнэбит. 🙏🏼🤍

манна хааллын🤍