Как фамилия и отчество влияют на судьбу: нумерология и карма

Аат диагностикатыгар ааты эрэ буолбакка, фамилияҕытын уонна аҕаҕыт аатын эмиэ көрөбүн.

Сорох дьон фамилияларын уларытан, олохторугар үчүгэй уларыйыылары (карманы) аҕалаллар. Онтон сорохтор, холобур, кэргэн тахсан кини фамилиятын ылан, олохторун ыарататыахтарын сөп. Ону таһынан аҕаҥ аата хайдах дьайарын эмиэ көрөбүн: аҕаҥ аата бу сиргэ эйиэхэ өйөбүл буолар дуу, эбэтэр аллара тардар дуу диэн. Өскөтүн мэһэйдиир буоллаҕына, саҥа күүстээх ааты талан биэрэбин, эбэтэр ФИО-ны толору сахалыыга уларытарга субэлиибин уонна анаан алгыс суруйан биэрэбин.

Эбээгит эбэтэр эһээгит аатын сүгэр буоллаххытына, ол киһи карматын (олоҕун суолун) эмиэ ылаҕыт.

Холобур, ол киһи үтүө санаалаах, олоҕор ситиһиилээх буоллаҕына — үчүгэй дьайыыны ылаҕыт. Онтон ыарахан олохтоох, ыалдьан эрдэ өлбүт киһи аата куһаҕан дьайыыны аҕалыан сөп.

Ону таһынан оҕону аһары биллэр, тарҕаммыт аатынан ааттааһын кутталлаах. Элбэх куһаҕан дьайыылаах дьон сүгэр ааттара оҕоҕо эмиэ бэриллиэн сөп. Ол иһин аат таларбар аһары урукку, элбэх киһи сүгэр ааттарын таллара сатаабаппын.

Сорох дьон ааттарын эрэ буруйдууллар, ол эрээри сороҕор төрөөбүт чыыһылаҕа эмиэ карма баар буолар. Төрүөхтэриттэн кармическай чыыһылалаах дьон бааллар, ол курдук: 13, 14, 16 уонна 19. Бу анал сорудахтаах кэлбит дьон. Ону таһынан толору төрөөбүт күннүтүнэн араас программалар (олох суоллара) эмиэ көстөллөр.

P.S. Мин ааккыт куһаҕан эбит, уларытын эрэ диэбэппин (араас көрбүөччүлэр эбэтэр атын специалистар курдук). Мин кыһалҕалар биричиинэлэрэ ханна сытарын быһааран биэрэбин уонна көрдөөн булабын.