Семейная прогулка и воспоминания о папе

Бүгүн хаһан да сылдьыбатах сирбитигэр тиийэ сырыттыбыт☺️Самокат да тиийэр эбит. Зарядкам делениета биир да көҕүрээбэккэ тиийэн кэллэ😅Ойуур иһинэн айаннаан иһэн паапабын кытта ыраах үрэх баһыгар оттуу сылдьарбытын санаан, кыра да кэмҥэ оҕо сааспар төннөн ылбыт курдук буоллум☺️Мастар быыстарынан Минск мотоциклынан оттуур сирбитигэр барар этибит☺️

Ыаллар медовай ыйдара саҕаламмыт ду диэх курдук☺️😅Эдэр сааска оҕолонор үчүгэйин дьэ билэн эрэбит😅🤣

Бүгүҥҥү сырыым оҕо сааска төннөн ылыы курдук буолла. Паапам суох буолбута быйыл 4 сыла😔Наһаа суохтуубун да ахтабын даҕаны. Кэргэним туттарыгар хаптарыгар паапам курдук буолан иһэр улам улам. Бу түөрт сыл тухары сыһыана олох уларыйда. Үчүгэй өртүгэр. Паапабын кытта чугас сыһыаннаахпытын билэр буолан төһө кыалларынан суохтаппат буола сатыыр, кыһаллара арыт саҥата паапабар майгынныыр. "Улаатан" истэҕим ахсын күн түүн кэргэммин атын өрүтүн арыйабын😅☺️🥰Бэйэ бэйэбитин маама паапа эрэ оруолугар көрөрбүт арыый аччаабыт😅Подросток оҕолор курдукпут, санаабар. Уруккуттан даҕаны иккиэн мэниктиирбитин сөбүлүүбүт😅Уолаттарым улааттахтарына паапаларын курдук кэргэннэригэр истиҥ сыһыаннаах, харыстыыр, хааччыйар, эппиэтинэстээх ыал аҕалара буолаллар ини диэн күлүкпэр имнэнэбин эрэ😉🤞🏻🤞🏻🤞🏻